ବନ୍ୟାପାଣିରେ ଆଠଗଡର ଭଟ୍ଟାରିକା ପୀଠରେ ପଶିଲା ପାଣି : ମନ୍ଦିର ଭିତର ଲହଡି ଭାଙ୍ଗୁଛି ୩ ଫୁଟର ଜଳ; ପାହାଡ ଉପରକୁ ସ୍ଥାନାନ୍ତର ହେଲେ ମା

କନକ ବ୍ୟୁରୋ : ଆଠଗଡ ବଡମ୍ବା ମାଆ ଭଟ୍ଟାରିକା ମନ୍ଦିରରେ ପଶିଲା ବନ୍ୟା ଜଳ । ମହାନଦୀରେ ଜଳସ୍ତର ବଢିଥିବା ବେଳେ ଚଳିତ ବର୍ଷର ପ୍ରଥମ ବନ୍ୟା ଜଳ ମନ୍ଦିରରେ ପଶିଛି । ମନ୍ଦିର ଭିତରେ ୩ ଫୁଟ ଉଚ୍ଚର ଜଳ ଲହଡି ମାରୁଛି । ପାଣି ପଶିବା ପରେ ମାଆ ଭଟ୍ଟାରିକାଙ୍କୁ ପାହାଡ ଉପରକୁ ସ୍ଥାନାନ୍ତର କରାଯାଇଛି ।

ତେବେ ପାହାଡ ଉପରେ ମାଆଙ୍କୁ ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଉଛି । ଭଟ୍ଟରିକା ମନ୍ଦିରରେ ପାଣି ପଶିବା ପରେ ତଳିଆ ଅଂଚଳର ଲୋକ ଭୟଭୀତ ହୋଇଛନ୍ତି । ସେପଟେ ହଜାରହଜାର ଏକର ଚାଷ ଜମି ଜଳମଗ୍ନ ହୋଇପଡିଛି ।