ମଥାନିରେ ବିପଦ ସଙ୍କେତ ଉପରେ ଜଳକା ନଦୀର ବନ୍ୟା ଜଳ : ବିପଦ ସଙ୍କେତ ୫.୫୦ ମିଟର, ଜଳସ୍ତର ୭.୦୫ ମିଟର ; ୭ଟି ପଞ୍ଚାୟତର ୨୦ଟି ଗାଁ ପାଣି ଘେରରେ, ବନ୍ୟା ଜଳରେ ବୁଡିଲା ବାହରଦା-ମଥାନି ରାସ୍ତା
କନକ ବ୍ୟୁରୋ : ଲଘୁଚାପ ଜନିତ ଲଗାଣ ବର୍ଷାରେ ଫୁଲୁଛି ଜଳକା ନଦୀ । ବାଲେଶ୍ୱର ଜିଲ୍ଲା ବସ୍ତା ଦେଇ ପ୍ରଭାବିତ ହେଉଥିବା ଜଳକ ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି । ମଥାନୀ ଠାରେ ବିପଦ ସଙ୍କେତ ୫ ଦଶମିକ ୫୦ ମିଟର ଥିବା ବେଳେ ଆଜି ସକାଳ ସୁଦ୍ଧା ୭ ଦଶମିକ ଶୂନ ପାଂଚ ମିଟର ଜଳ ପ୍ରଭାବିତ ହେଉଛି । ବସ୍ତା ଅଂଚଳର ହଜାର ହଜାର ଏକର ଚାଷ ଜମି ପାଣିରେ ବୁଡି ରହିଛି । ସେପଟେ କଟିପୋଲ ସାନଖୁଡି ରାସ୍ତା ଉପରେ ୪ ଫୁଟ ଉଚ୍ଚର ବନ୍ୟା ଜଳ ପ୍ରଭାବିତ ହେଉଥିବା ବେଳେ ବାହାର୍ଦା ମାଥାନୀ ରାସତାରେ ୨ ଫୁଟ ଉପରେ ବନ୍ୟା ପାଣି ବୋହୁଛି ।
Kanak News is now on WhatsApp
Join and get latest news updates delivered to you via WhatsApp
ଫଳରେ ଯାତାୟତ ପ୍ରଭାବିତ ହୋଇଥିବା ବେଳେ ବ୍ଲକର ୭ଟି ପଂଚାୟତର ୨୦ରୁ ଅଧିକ ଗାଁ ଜଳବନ୍ଦୀ ହୋଇଥିବା ସୂଚନା ମିଳିଛି । ନଦୀର ଉପର ମୁଣ୍ଡ ମୟୂରଭଂଜ ଜିଲ୍ଲା ରାସଗୋବିନ୍ଦପୁର, ମୋରଜା, ଚିତ୍ରଡା, ସୁଳିଆପଜା ଅଂଚଳରେ ପ୍ରବଳ ବର୍ଷା କାରଣରୁ ଜଳକାରେ ଜଳସ୍ତ ବଢିବାରେ ଲାଗିଛି ।