କନକ ବ୍ୟୁରୋ : ବନ୍ୟାକୁ ବଳି ଯାଇଛି ବର୍ଷା ପାଣି ନିଷ୍କାସନ ସମସ୍ୟା । ବର୍ଷା ଜଳ ପାଣି ନିଷ୍କାସିତ ହୋଇନପାରି କେନ୍ଦ୍ରାପଡା ଜିଲ୍ଲା ମାର୍ଶାଘାଈ ବଛରେଇ , ପରକୁଳା , ବନ୍ଧକଟା , ମେହେନ୍ଦିନଗର , ରାଘବପୁର , ଆଖୁଆଦକ୍ଷିଣୀ , ଯମପଡା , କରିଲୋପାଟଣା ପଂଚାୟତ ସହିତ ଗରଦପୁର ବ୍ଲକର ନଡିଆବରେଇ ଇତ୍ୟାଦି ପଂଚାୟତରେ ଦେଖାଦେଇଛି ବନ୍ୟା ପରିସ୍ଥିତି ।
Kanak News is now on WhatsApp
Join and get latest news updates delivered to you via WhatsApp
ଏବେ ନଦୀରେ ବନ୍ୟା ପାଣି ନିସ୍କାସିତ ହେଉଥିବାରୁ ମାର୍ଶାଘାଈ ବ୍ଲକ ଅର୍ନ୍ତଗତ ନାରଣପୁର ନିକଟରେ ବାଘୁଣି ସ୍ଲୁଇସ୍ ଗେଟ୍ ବନ୍ଦ ଥିବାରୁ ଚିତ୍ରୋତ୍ପଳା ନଦୀକୁ ବାଘୁଣି ନଦୀର ବର୍ଷା ପାଣି ନିସ୍କାସନ ହୋଇପାରୁ ନାହିଁ । ଫଳରେ ବର୍ଷା ପାଣି ଜମି ରହି ଚାରିଆଡେ ନଦୀର ଭ୍ରମ ସୃଷ୍ଟି କରିଛି । ଜମି ବାଡି ବୁଡିରହି ଧାନ ଫସଲ ସବୁ ନଷ୍ଟ ହୋଇଯାଇଛି । ଗାଁ ଗଣ୍ଡାରେ ପାଣି ପଶି ଯାଇଛି । ଘରେ ପାଣି ପଶିଯିବାରି ଲୋକ ମାନେ ନାହିଁ ନଥିବା ହଇରାଣ ହରକତ ହେଉଛନ୍ତି ।