ଖରିଫ ଚାଷ ପାଇଁ ଇନ୍ଦ୍ରାବତୀରୁ ଛଡାଯାଇଛି ପ୍ରଥମ ପାଣି। ଜଳସେଚିତ ହେବ ୭ଟି ବ୍ଲକର ୧ ଲକ୍ଷ ୧୨ ହଜାର ୮୬୬ ହେକ୍ଟର ଚାଷ ଜମି।
କନକ ବ୍ୟୁରୋ: ଚାଷ ଜମିରେ ପହଞ୍ଚିବ ଇନ୍ଦ୍ରାବତୀ ପାଣି । କାରଣ ଖରିଫ ଚାଷ ପାଇଁ କଳାହାଣ୍ଡି ଇନ୍ଦ୍ରାବତୀ ଜଳ ବିଦ୍ୟୁତ୍ ପ୍ରକଳ୍ପରୁ ଚଳିତ ବର୍ଷର ପ୍ରଥମ ପାଣି ଛଡାଯାଇଛି । ମଙ୍ଗଳପୁର ବ୍ୟାରେଜରୁ ଦୁଇଟି କେନାଲରେ ପାଣି ଛଡାଯାଇଛି । ବାମ କେନାଲରେ ୫ କ୍ୟୁସେକ୍ ଜଳ ଛଡାଯାଇଥିବା ବେଳେ ଦକ୍ଷିଣ କେନାଲରେ ୭ କ୍ୟୁସେକ୍ ଜଳ ବହୁଛି ।
Kanak News is now on WhatsApp
Join and get latest news updates delivered to you via WhatsApp
ଜଳସେଚନ ପାଇଁ ଆସନ୍ତା ୧୦ ତାରିଖରେ ମେଗା ଲିଫ୍ଟ କେନାଲରେ ପାଣି ଛଡାଯିବ ବୋଲି ଡ୍ୟାମ୍ପର ମୁଖ୍ୟ ନିର୍ମାଣ ଯନ୍ତ୍ରୀ ଅନିଲ ପାଣିଗ୍ରାହୀ ସୂଚନା ଦେଇଛନ୍ତି । ତେବେ ଆଜିଠାରୁ ଛଡାଯାଇଥିବା ପାଣିରେ କଳାହାଣ୍ଡି ଜିଲ୍ଲା ୭ଟି ବ୍ଲକ ୪୬୭ଟି ଗାଁର ୧ ଲକ୍ଷ ୧୨ ହଜାର ୮୬୬ ହେକ୍ଟର ଚାଷ ଜମି ଜଳସେଚିତ ହେବ ।