ଦେଶରେ ଫେବ୍ରୁଆରୀ ମାସରେ ଦିଆଯିବ ପ୍ରଥମ ପର୍ଯ୍ୟାୟ ଅକ୍ସଫୋର୍ଡ ଟିକା । ପୁନାୱାଲା କହିଲେ ଦୁଇ ଡୋଜକୁ ପଡ଼ିବ ହଜାରେ ଟଙ୍କା
କନକ ବ୍ୟୁରୋ : ହଜାରେ ଟଙ୍କାରେ ମିଳିବ ଅକ୍ସଫୋର୍ଡ ଆଷ୍ଟାଜେନିକା ଟିକାର ଦୁଇଟି ଡୋଜ୍ । ଏନେଇ ସୂଚନା ଦେଇଛନ୍ତି ସିରମ ଇନଷ୍ଟିଚ୍ୟୁଟ ମୁଖ୍ୟ ଅଦାର ପୁନାୱାଲା । ଅନ୍ୟପଟେ ଭାରତ ବାୟୋଟେକ୍ ପକ୍ଷରୁ ପ୍ରସ୍ତୁତ ହେଉଥିବା ଟିକା କୋଭାକ୍ସିନ୍ର ତୃତୀୟ ପର୍ଯ୍ୟାୟ ପରିକ୍ଷଣ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହି ଟୀକା ପରିକ୍ଷଣରେ ସ୍ୱେଚ୍ଛାସେବୀ ଭାବେ ସାମିଲ ହୋଇ କୋଭାକ୍ସିନ୍ ଡ଼ୋଜ ନେଇଛନ୍ତି ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ ଅନିଲ ବିଜ୍ । ଅନିଲ ବିଜ୍ କହିଛନ୍ତି ତୃତୀୟ ପର୍ଯ୍ୟାୟ ପରିକ୍ଷଣରେ ପ୍ରାୟ ୨୬ ହଜାର ଲୋକଙ୍କୁ ସାମିଲ କରଯିବ । କୋଭାକ୍ସିନ୍ର ତୃତୀୟ ପର୍ଯ୍ୟାୟ ପରିକ୍ଷଣ ହରିୟାଣାର ରୋହତକରେ ଆଜି ଠାରୁ ଆରମ୍ଭ ହୋଇଛି ।
ମନ୍ତ୍ରୀ ଅନିଲ ବିଜ୍ଙ୍କୁ ପ୍ରଥମ ଟୀକା ଦିଆଯାଇଛି । ପ୍ରଥମେ ଦୁଇ ଶହ ସ୍ୱେଚ୍ଛାସେବୀଙ୍କୁ ଏହି ଭ୍ୟାକ୍ସିନ୍ର ଡ଼ୋଜ ଦିଆଯିବ । ଭ୍ୟାକ୍ସିନର ଦୁଇଟି ଡ଼ୋଜ ଦିଆଯିବାର ବ୍ୟବସ୍ଥା ରହିଛି । ପ୍ରଥମ ଡ଼ୋଜ ଦିଆଯିବାର ୨୮ ଦିନ ପରେ ଦ୍ୱିତୀୟ ଡ଼ୋଜ ଦିଆଯିବ । ଦେଶରେ ପ୍ରାୟ ୨୫ହଜାର ୮ଶହ ଲୋକଙ୍କ ଉପରେ ଭ୍ୟାକ୍ସିନ୍ ଟ୍ରାଏଲ ହୋଇସାରିଲାଣି ।