କରୋନା ଟିକା କୋଭାକ୍ସିନର ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ପରୀକ୍ଷା ସଫଳ । ଓଡ଼ିଶାରେ ହେଉଥିବା ମାନବ ପରୀକ୍ଷଣର ମୁଖ୍ୟ କହିଲେ, ଦେଖାଯାଇନି ପାଶ୍ୱର୍ ପ୍ରତିକ୍ରିୟା, ସୃଷ୍ଟି ହେଉଛି ଆଂଟିବଡି । ଖୁବଶୀଘ୍ର ଆରମ୍ଭ ହେବ ତୃତୀୟ ପର୍ଯ୍ୟାୟ ପରୀକ୍ଷଣ ।

କନକ ବ୍ୟୁରୋ : ଭାରତ ବାୟୋଟେକର କୋଭିଡ ଭ୍ୟାକ୍ସିନ୍ ମାର୍ଚ ଶେଷ ସୁଦ୍ଧା ଆସିପାରେ । ଆଜି ସମ୍ ହସ୍ପିଟାଲର ମାନବ ପରୀକ୍ଷଣ ବିଭାଗ ମୁଖ୍ୟ ଡାକ୍ତର ଡି ଭେଙ୍କଟ ରାଓ କହିଛନ୍ତି ଖୁବ୍ ଶୀଘ୍ର ତୃତୀୟ ପର୍ଯ୍ୟାୟ ପରୀକ୍ଷଣ ଆରମ୍ଭ ହେବ । ଏହି ପରୀକ୍ଷଣରେ ହଜାର ହଜାର ଲୋକ ଭାଗ ନେଇପାରିବେ । ତେବେ ସବୁଠାରୁ ବଡ କଥା ହେଉଛି ପ୍ରଥମ ଦ୍ୱିତୀୟ ପର୍ଯ୍ୟାୟରେ ପରୀକ୍ଷାରେ ଆଶାନୁରୂପ ଫଳ ମିଳିଛି ବୋଲି ଡାକ୍ତର ରାଓ କନକ ନ୍ୟୁଜକୁ କହିଛନ୍ତି । ତାଙ୍କ ଦେହରେ କୌଣସି ପ୍ରକାର ପାଶ୍ୱର୍ପ୍ରତିକ୍ରିୟା ଦେଖା ଦେଇନଥିଲା ଏବଂ ଆଶାନୁରୂପ ଭାବେ ଆଂଟିବଡି ସୃଷ୍ଟି ହୋଇଥିଲା ।

କରୋନା ସହ ଲଢେଇ କରୁଛି ସାରା ବିଶ୍ୱ । ଆଉ କରୋନାକୁ ମାତ ଦେବାକୁ  ବିଶ୍ୱର ବିଭିନ୍ନ ଦେଶ  ଟୀକା ପ୍ରସ୍ତୁତ କରିବାରେ ଲାଗିପଡିଛନ୍ତି ।  ଭାରତର ଦେଶୀ କରୋନା ଭ୍ୟାକ୍ସିନ ତଥା ଭାରତ ବାୟୋଟେକ ଦ୍ୱାରା ପ୍ରସ୍ତୁତ କୋଭାକ୍ସିନ ଓ  ଋଷର ସ୍ପୁଟନିକ ଭି ଏ ଦିଗରେ ଆଗରେ ରହିଛି ।  ଭାରତରେ କୋଭକ୍ସିନର ତୃତୀୟ ପର୍ଯ୍ୟାୟ ପରୀକ୍ଷା ଖୁବଶୀଘ୍ର ଆରମ୍ଭ ହେବ । ଏହି ସୂଚନା ଦେଇଛନ୍ତି ସମ୍ ହସପିଟାଲର ବରିଷ୍ଠ ଡାକ୍ତର ଇ. ଭେଙ୍କଟ ରାଓ ।

ସେ କୋଭାକ୍ସିନ ମାନବ ପରୀକ୍ଷଣ ପ୍ରକ୍ରିୟାର ଓଡିଶା ମୁଖ୍ୟ ଅଛନ୍ତି ।  ସେ କହିଛନ୍ତି, କୋଭାକ୍ସିନର ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ଟୀକା ପରୀକ୍ଷଣ  ସଫଳ ହୋଇଛି । ଏହାର କୌଣସି ପାଶ୍ୱର୍ ପ୍ରତିକ୍ରିୟା ଦେଖାଯିବନାହିଁ ନାହିଁ । ଆଂଟିବଡି ବି ସୃଷ୍ଟି ହେଉଛି ।  ତେଣୁ  ଆଶା କରାଯାଉଛି ତୃତୀୟ ପର୍ଯ୍ୟାୟ ବି ସଫଳ ହେବ । ଏହି ପର୍ଯ୍ୟାୟରେ  ଦେଶର ୨୦ରୁ ୨୫ ହଜାର ସ୍ୱେଚ୍ଛାସେବୀ ଅଂଶଗ୍ରହଣ କରିବେ ।

ଯଦି ସବୁଠିକଠାକ ଚାଲେ ତାହାହେଲେ ଟୀକା  ପ୍ରସ୍ତୁତ ହେବାକୁ ଆଉ ୪-୫ ମାସ ସମୟ ଲାଗିପାରେ । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ  ଚଳିତବର୍ଷ ଶେଷସୁଦ୍ଧା କିମ୍ବା ୨୦୨୧ ପ୍ରଥମରେ ଟୀକା ଆସିବ ବୋଲି କହିସାରିଛି । ତେଣୁ ଆଶା କରାଯାଉଛି  କୋଭାକ୍ସିନର ତୃତୀୟ ପର୍ଯ୍ୟାୟ ପରୀକ୍ଷଣ ସଫଳ ହେବ ।