କନକବ୍ୟୁରୋ:ରାଜ୍ୟରେ ଅସହ୍ୟ ଗୁଳୁଗୁଳି ଓ ଗରମ ଜାରି ରହିଛି । ପ୍ରଚଣ୍ଡ ରୌଦ୍ରତାପ ଯୋଗୁ ଅତିଷ୍ଠ ହୋଇପଡିଛି ଜନ ଜୀବନ । ଖରା ବଢିଚାଲିଥିବା ବେଳେ ଅଂଶୁଘାତ ଭୟ ବି ବଢିଚାଲିଛି । ବିଭିନ୍ନ ସ୍ଥାନରେ ଅଂଶୁଘାତରେ ମୃତ୍ୟୁର ଖବର ଆସୁଛି । ରାଉରକେଲାରୁ ନେଇ ବଲାଙ୍ଗୀର , ଝାରସୁଗଡା, ସୁନ୍ଦରଗଡ଼ରେ ଖରା ବଢୁଥିବା ବେଳେ ଅଂଶୁଘାତ ଯୋଗୁ ବହୁ ଲୋକ ଚିକିତ୍ସା ପାଇଁ ମେଡିକାଲରେ ସେମାନଙ୍କୁ ଭର୍ତ୍ତି କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେପଟେ ଅଂଶୁଘାତରୁ ରକ୍ଷା ପାଇବାକୁ ଲୋକମାନଙ୍କୁ ସଚେତନ କରାଯାଉଥିବା ବେଳେ ମେଡିକାଲ ଗୁଡିକରେ ସ୍ୱତନ୍ତ୍ର ବ୍ୟବସ୍ଥା କରାଯିବା ସହିତ ଘଟଣା ଉପରେ ପ୍ରଶାସନର ସମ୍ପୁର୍ଣ୍ଣ ନଜର ରହିଛି ।ତାପମାତ୍ରା ବୃଦ୍ଧି ସାଙ୍ଗକୁ ଗରମ ଗୁଳୁଗୁଳିରେ ଅତିଷ୍ଠ ହୋଇପଡୁଛି ଜୀବନ । ପ୍ରଚଣ୍ଡ ଖରାରେ ଜନଜୀବନ ବି ହୋଇଯାଇଛି ଅସ୍ତବ୍ୟସ୍ତ । ସେହିଭଳି ଖରା ବଢିବା ଯୋଗୁ ଅଂଶୁଘାତ ଭୟ ବି ଲୋକମାନଙ୍କୁ ଘାରିଛି ।
ବିଭିନ୍ନ ସ୍ଥାନରେ ଅଂଶୁଘାତ ଜନିତ ମୃତ୍ୟୁ ହୋଇଥିବା ଜଣାପଡିଛି । ଖରା ଯୋଗୁ ରାଉରକେଲାରେ ମଧ୍ୟ ଅସମ୍ଭାଳ ସ୍ଥିତି ରହିଛି । ଜଣେ କି ଦୁଇ ଜଣ ନୁହେଁ ରାଉରକେଲା ସରକାରୀ ଡାକ୍ତରଖାନାରେ ଅନେକ ଲୋକଙ୍କ ମୃତ୍ୟୁ ହୋଇଥିବା ଜଣାପଡିଛି । ୫ ଜଣ ମୃତ ଅବସ୍ଥାରେ ହସପିଟାଲରେ ପହଂଚିଥିବା ବେଳେ କିଛି ଲୋକ ଚିକିତ୍ସା ପାଇଁ ଭର୍ତ୍ତି ହୋଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଯାଇଛି ।
ରାଉରକେଲା, ବଲାଙ୍ଗୀର , ଝାରସୁଗୁଡାରୁ ନେଇ ସୁନ୍ଦରଗଡ଼ରେ ଅଂଶୁଘାତ ମୃତ୍ୟୁ ନେଇ ଖବର ଆସୁଥିବା ବେଳେ ବରଗଡରେ ମ଼ଧ୍ୟ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ଏବେ ବି ଅଂଶୁଘାତ ଯୋଗୁଁ ଅନେକ ଲୋକ ହସପିଟାଲରେ ଚିକିତ୍ସିତ ହେଉଥିବା ଜଣାପଡିଛି । ଖରା ବଢୁଥିବା ବେଳେ ଅଂଶୁଘାତ ଆଶଙ୍କା ବି ବଢି ବଢି ଚାଲିଛି । ମେଡିକାଲରେ ମୃତକଙ୍କ ସଂଖ୍ୟା ବଢୁଛି । ସେପଟେ ଖରାରୁ କିଭଳି ନିଜକୁ ସୁରକ୍ଷିତ ରହିବ ସେଥିପ୍ରତି ସତର୍କ କରାଯାଉଛି ।
ମେଡିକାଲରେ ଅଂଶୁଘାତ ରୋଗୀଙ୍କ ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଉଛି । ହେର୍ଡକ୍ୱାଟରରେ ମଧ୍ୟ ରୋଗୀଙ୍କ ପାଇଁ ପର୍ଯ୍ୟାପ୍ତ ସୁବିଧା କରାଯିବା ସହ ଘଟଣା ଉପରେ ସମ୍ପ୍ରୁ୍ଣର୍ ଭାବେ ଜିଲ୍ଲା ପ୍ରଶାସନ ନଜର ରଖିଛି ।