ଦୀପ ବିକିଲେ ଚଳିବ ପରିବାର । ପାର୍ବଣ ମାହୋଲରେ କଣାସ ବ୍ଲକ୍ ଗଡପୁର କୁମ୍ଭକାର ସାହି ଚଳଚଂଚଳ । ଭଳିକି ଭଳି ଆକୃତିର ଦୀପ କରି ବିକ୍ରି ଅପେକ୍ଷାରେ କାରିଗର
କନକ ବ୍ୟୁରୋ : ଧରାବତରଣ କରିଛନ୍ତି ଜଗତଜନନି ମାଆ ଦୁର୍ଗା । ଚାରିଆଡେ ପାର୍ବଣର ମାହୋଲ । କରୋନା କଟକଣା ଭିତରେ ଦସହରା ପୂଜା କରାଯାଉଛି । ଆଗକୁ ଆଲୋକର ପର୍ବ ଦୀପାବଳି ଆସୁଛି । ଦୀପାବଳୀରେ ଅନ୍ଧାର ଉପରେ ଆଲୋକର ବିଜୟ ପାଇଁ ଗାଁରୁ ସହର ସବୁ ମାଟି ଦୀପର ଆବଶ୍ୟକତା ପଡେ । ଆଉ ଏହି ଦୀପ ତିଆରି କରି ଦୀପ କାରିଗର ମଧ୍ୟ ବେଶ ଦୁଇ ପଇସା ରୋଜଗାର କରିବାର ଆଶା ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମନ୍ଦିର ରୁ ଘର, ବିବାହ ବ୍ରତ ଠାରୁ ଆରମ୍ଭ କରି ପୂଜା ମଣ୍ଡପ, ସବୁ ମାଙ୍ଗଳିକ କାମରେ ଖୋଜାପଡେ ଦୀପ । ଠାକୁର ଘରେ, ଚଉରାମୂଳେ ଦୀପଟିଏ ଜାଳିଦେଲେ ମନରେ ସକରାତ୍ମକ ଭାବନା ଭରିଯାଏ । ଆଉ ଦୀପାବଳୀରେ ଘର ଅଗଣାରେ ମାଟିଦୀପ ଜାଳିଲେ ଖୁବ୍ ଶାନ୍ତି ମିଳେ । ଦୀପାବଳୀ ହେଉ ବା ପୂଜା ପର୍ବଣ ସବୁଠି ଖୋଜା ପଡୁଥିବା ଏହି ମାଟି ଦୀପ ତିଆରି କରି ପେଟ ପୋଷନ୍ତି ପୁରୀ ଜିଲ୍ଲା କଣାସ ବ୍ଲକ ଗଡପୁଟ ପଚାଂୟତର ସତାଧିକ କୁମ୍ଭକାର ପରିବାର । ଚଳିତବର୍ଷ ଦିପାବଳୀକୁ ନଜରରେ ରଖି ମାଟିରେ ବିଭିନ୍ନ ପ୍ରକାରର ଦିପ ଗଢି ଚାଲିଛନ୍ତି କୁମ୍ଭକାର ।
କୁମ୍ବକାର ମାନେ ମାଟି, ବାଲି, ଜାଳେଣି କିଣି ସେଥିରେ ଦୀପ ତିଆରି କରିଥାନ୍ତି । ଅନେକ ପ୍ରକାରର ଦୀପକୁ କଣାସ, ପୁରୀ, ଖୋର୍ଦ୍ଦା, ଭୁବନେଶ୍ୱର ବଜାରରେ ବିକ୍ରି କରାଯାଏ । ୧୦୦ ଦୀପକୁ ମାତ୍ର ୩୦ରୁ ୪୦ ଟଂକାରେ ବିକ୍ରି କରିଥାନ୍ତି । ଫଳରେ ପରିବାରର ପେଟ ପୁରେ ନାହିଁ । ଏଭଳି ସ୍ଥିତିରେ କିଛି ବୟଜ୍ୟେଷ୍ଠ କୁମ୍ଭକାର କୌଳିକ ବୃତିକୁ ବଂଚାଇ ରଖିଥିବା ବେଳେ ବର୍ତମାର ଯୁବପୀଢି ମୁହଁ ଫେରାଇ ନେଉଛନ୍ତି ।