ଅଲୋଡା ପାଲଟିଗଲା ୧୩ ବର୍ଷର ପୁଅ: ଭିନ୍ନକ୍ଷମ ବୋଲି ରାସ୍ତାରେ ଫୋପାଡିଦେଲେ ପରିବାର
କନକ ବ୍ୟୁରୋ: ଚୁପଚାପ ଶୋଇ ପଡିଛି ପୁଅ । ଅଝଟ କରିବ ବି କାହା ପାଖରେ । ଯାହା ପାଖରେ ଅଳି କରିଥାନ୍ତା ଆଜି ସେ ସବୁଦିନ ପାଇଁ କରିଦେଇଛନ୍ତି ପର । ଭିନ୍ନକ୍ଷମ ବୋଲି ରାସ୍ତା କଡରେ ଶୁଆଇ ଚାଲିଗଲେ । ଆଉ ପଛକୁ ଫେରିକି ବି ଚାହିଁଲେନି । ହୃଦୟକୁ ଦୋହଲାଇ ଦେଇଥିବା ଏଭଳି ଏକ ଘଟଣା ସାମ୍ନାକୁ ଆସିଛି ଖୋଦ ରାଜଧାନୀରେ । ଭିଏସଏସ ନଗର ଅଂଚଳର ଏକ ନାଳ କଡରେ ପିଲାଟି ପଡିଥିବା ସ୍ଥାନୀୟ ଲୋକ ଦେଖିବା ପରେ ପୋଲିସକୁ ଜଣାଇଥିଲେ । ପୁଲିସ ପିଲାଟିକୁ ଉଦ୍ଧାର କରିଛି । କିନ୍ତୁ ପିଲାଟି ନା କଥା ହୋଇ ପାରୁଛି ନା କିଛି ବୁଝିପାରୁଛି । ପୋଲିସ ଶିଶୁଟିକୁ ଚାଇଲ୍ଡ ଲାଇକୁ ହସ୍ତାନ୍ତର କରିଛି ।
Kanak News is now on WhatsApp
Join and get latest news updates delivered to you via WhatsApp
ଭିନ୍ନକ୍ଷମ ପୁଅକୁ ଏଭଳି ବେସାହାରା କରି ରାସ୍ତାକଡରେ ଛାଡି ଏକ ପରିବାର କିଭଳି ଚାଲିଗଲା, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏବେ ଉଦ୍ଧାର ହୋଇଥିବା ଶିଶୁର ଅଭିଭାବକଙ୍କର ପରିଚୟ ଖୋଜିବ ଚାଇଲ୍ଡ ଲାଇନ । ସେପଟେ ଘଟଣାକୁ ଅତି ଗୁରୁତର ସହ ନେଇଛନ୍ତି ଶିଶୁ ଅଧିକାର ସୁରକ୍ଷା ଆୟୋଗ । ତଦନ୍ତ କରିବାକୁ ସ୍ଥାନୀୟ ପୋଲିସକୁ କହିଛନ୍ତି ଆୟୋଗ ଅଧ୍ୟକ୍ଷ ।
ଚାଇଲ୍ଡ ଲାଇନର ତଥ୍ୟ ଅନୁଯାୟୀ ଭୁବନେଶ୍ୱରରେ ବର୍ଷକୁ ୧୦ରୁ ୧୨ ଭିନ୍ନକ୍ଷମ ଶିଶୁ ଏଭଳି ରାସ୍ତା କଡରୁ ଉଦ୍ଧାର ହେଉଛନ୍ତି । ଆଉ ଯତ୍ନ ନେଇନପାରି ଅନେକ ଏଭଳି ରାସ୍ତାକଡରେ ପିଲାଙ୍କୁ ଫୋପାଡି ଦେଉଥିବା ଘଟଣା ସାମ୍ନାକୁ ଆସୁଛି ।