କନକ ବ୍ୟୁରୋ : ପାଠକ ବାପ ପୁଅଙ୍କ ଆର୍ଥିକ କାରବାର ନେଇ ପ୍ରବର୍ତନ ନିର୍ଦ୍ଦେଶାଳୟର ତଦନ୍ତ ଆରମ୍ଭ ହୋଇଛି । ଟଙ୍କା କାରବାର ନେଇ ବ୍ୟାଙ୍କ ଆକାଉଣ୍ଟ ଯାଞ୍ଚ କରିବ । ମନି ଲଣ୍ଡରିଂର ତଦନ୍ତ ପାଇଁ ଇଡି ଓ ଆଇଟି ବିଭାଗକୁ ଚିଠି ଲେଖିଥିଲା ରାଜ୍ୟ ଭିଜିଲାନ୍ସ ସେଲ୍ । ଆକାଶ ପାଠକଙ୍କ ବ୍ୟାଙ୍କ ଆକାଉଣ୍ଟର ଯାଞ୍ଚ କରିବ ପ୍ରବର୍ତନ ନିର୍ଦ୍ଦେଶାଳୟ ବା ଇଡି ଓ ଆୟକର ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଆକାଶ ପାଠକଙ୍କ ତିନୋଟି ବ୍ୟାଙ୍କ ଆକାଉଣ୍ଟରେ ୧୪ କୋଟି ୭୭ ଲକ୍ଷ ଜମା ହୋଇଥିବା ପ୍ରମାଣ ମିଳିବା ପରେ ତଦନ୍ତ ପାଇଁ ଇଡି ଓ ଆଇଟି ବିଭାଗକୁ ଚିଠି ଲେଖିଥିଲା ରାଜ୍ୟ ଭିଜିଲାନ୍ସ ସେଲ୍ । ଆକାଶଙ୍କ ନାମରେ ଥିବା ବ୍ୟାଙ୍କ ଆକାଉଣ୍ଟରେ ବେନାମୀ ଭାବେ କୋଟି କୋଟି ଟଙ୍କା କାରବାର ହୋଇଥିବା ଦର୍ଶାଇ ଅର୍ଥନୈତିକ ଅପରାଧ ଆଇନ ଅନୁସାରେ ଏହାର ତଦନ୍ତ କରିବାକୁ ଚିଠି ଲେଖିଥିଲା ଭିଜିଲାନ୍ସ ।
ସେହିପରି ବେନାମୀ ଅର୍ଥ ନେଣ ଦେଣ ନିରୋଧ ଆଇନ ୧୯୮୮ ଆଧାରରେ ତଦନ୍ତ କରିବାକୁ ଆୟକର ବିଭାଗ ଚିଠି ଲେଖିଥିଲା ଭିଜିଲାନ୍ସ । ଚିଠିରେ ଦର୍ଶାଯାଇଛି ଆକାଶଙ୍କ ଆକାଉଣ୍ଟରେ ୯ କୋଟି ୪୮ ଲକ୍ଷ ନଗଦ ଟଙ୍କା ଜମା ହୋଇଥିବାବେଳେ ୫ କୋଟି ୨୯ ଲକ୍ଷ ଟଙ୍କା ଟ୍ରାନ୍ସଫର ବା କ୍ଲିୟରିଙ୍ଗ ଆକାରରେ ଜମା ହୋଇଛି । ଆଉ ଏକ ବଡ କଥା ହେଉଛି ଆକାଶଙ୍କ ଆକାଉଁଂଟରରେ ଏତେ ଟଙ୍କା ଜମା ହୋଇଥିଲେ ମଧ୍ୟ ସେ ଆୟ କର ବାବଦକୁ ଗୋଟିଏ ବି ଟଙ୍କା ଦେଇ ନାହାଁନ୍ତି । ଆୟର କୌଣସି ବାଟ ନଥିବାବେଳେ ଆକାଶଙ୍କ ଆକାଉଣ୍ଟକୁ କେଉଁଠୁ ଏତେ ଟଙ୍କା ଆସିଲା ଓ କିଏ ଜମା କଲା ଏହାର ତଦନ୍ତ କରିବ ଇଡି ।
ଆୟ ବର୍ହିଭୂତ ସମ୍ପତି ଠୁଳ ମାମଲାରେ କୋଟପତି ପାଠକ ବାପା-ପୁଅଙ୍କୁ ଘନ ଘନ ଜେରା ଚାଲିଛି । ସନ୍ଦେହ ଘେରକୁ ଆସିଛନ୍ତି ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ । ଖୋଲତାଡ ବେଳେ ଭିଜିଲାନ୍ସ ପାଖରେ ଲାଗିଛି ଗୁରୁତ୍ୱପୂର୍ଣ୍ଣ ତଥ୍ୟ । ତଦନ୍ତ ବେଳେ ଆକାଶ ଓ ପ୍ରଦୀପଙ୍କ ମଧ୍ୟରେ ଟଙ୍କା କାରବାର ନେଇ ଲାଗିଛି ପ୍ରମାଣ ।
ପ୍ରଦୀପ ପାଣିଗ୍ରୀଙ୍କ ବ୍ରହ୍ମପୁର କୋର୍ଟପେଟାରେ ଥିବା ଏକ ବ୍ୟାଙ୍କ ଆକାଂଉଟ ତଥ୍ୟ ଭିଜିଲାନ୍ସ ହାତରେ ଲାଗିଛି । ଏହି ଆକାଉଂଟରେ ଆକାଶ ପାଠକଙ୍କ ନିକଟକୁ ଚଳିତବର୍ଷ ଅଗଷ୍ଟ ୨୫ରେ ୫ ଲକ୍ଷ ଟଙ୍କା ଯାଇଛି । ସେହିଭଳି ସେପେଟମ୍ବର ୨ ତାରିଖରେ ୨ ଥରରେ ୪୦ ଲକ୍ଷ ଓ ୧୦ ଲକ୍ଷ କରି ମୋଟ ୫୦ ଲକ୍ଷ ଟଙ୍କା ଟଙ୍କା ପଠାଯାଇଛି । ଏହି ଟଙ୍କା ଆକାଶ ପାଠକଙ୍କ ଆକାଂଟକୁ ପ୍ରଦୀପ ପାଣିଗ୍ରାହୀ କାହିଁକି ଦେଇଥିଲେ ତାକୁ ନେଇ ସନ୍ଦେହ ସୃଷ୍ଟି ହୋଇଛି । ବଡ ପ୍ରଶ୍ନ ଉଠୁଛି, ଆକାଶ ପାଠକଙ୍କ ବିଳାସପୂର୍ଣ୍ଣ ଜୀବନ ପ୍ରଦୀପ ପାଣିଗ୍ରାହୀଙ୍କ ଟଙ୍କା ଉପରେ ଚାଲୁଥିଲା କି ।
ବଡ କଥା ହେଉଚି, ସାମ୍ବାଦିକ ସମ୍ମିଳନୀ କରି ପ୍ରଦୀପ ପାଣିଗ୍ରାହୀ ଆକାଶଙ୍କୁ କ୍ଲିନଚିଟ ଦେଇଥିବା ପ୍ରଦୀପ ଏହି ଟଙ୍କା କାରବାର ନେଇ ଅସୁବିଧାରେ ପଡିଛନ୍ତି । ଏହି ଟଙ୍କା ଆକାଶ ଚାଟାର୍ଡ ପ୍ଲେନ ଓ ହୋଟେଲରେ ରହିବା ପାଇଁ ଖର୍ଚ ହେଉଥିଲା କି । ଏ ନେଇ ଭିଜିଲାନ୍ସ ଖୋଳତାଡ ଆରମ୍ଭ କରିଛି । ପ୍ରଶ୍ନ ଉଠୁଛି, ଗୋଟିଏ ଦିନରେ ଆକାଶଙ୍କୁ ଏମିତି କଣ ଦରକାର ପଡିଲା ଯେ, ପ୍ରଦୀପ ପାଣିଗ୍ରାହୀ ଅଧକୋଟି ଟଙ୍କା ପଠାଇଛନ୍ତି । ସେପଟେ ପ୍ରଦୀପଙ୍କ ସହ କିଛି ସଂସ୍ଥା ଓ ବ୍ୟକ୍ତିବିଶେଷ ବିପୁଳ ପରିମାଣର ଟଙ୍କା କାରବାର ହେଉଥିବା ତଥ୍ୟ ବି ସାମ୍ନାକୁ ଆସିଛି ।
ସେପେଟମ୍ବର ୨ ତାରିଖ ୨୦୨୦ରେ ଗୁରୁମୂର୍ତି ଅଏଲ ତରଫରୁ ପ୍ରଦୀପ ପାଣିଗ୍ରାହୀଙ୍କ ଆକାଂଉଟରେ ୪୦ ଲକ୍ଷ ଟଙ୍କା ଜମା କରଯାଇଛି । ଆଉ ଜମାହେବାର କିଛି ସମୟ ମଧ୍ୟରେ ଆକାଶ ପାଠକଙ୍କ ଆକାଂଉଟକୁ ପଠାଯାଇଛି । ପ୍ରଶ୍ନ ଉଠୁଛି, ଏହି ବ୍ୟକ୍ତି ଓ ସଂସ୍ଥା କିଏ ଯିଏ ପ୍ରଦୀପ ପାଣିଗ୍ରାହୀଙ୍କ ଆକାଂଉଟକୁ ୨ ଦିନରେ ଏତେ ଟଙ୍କା ଡିପୋଜିଟ କରିଛନ୍ତି । ଭିଜିଲାନ୍ସ ଏହି ମଝି କାରବାର ଉପରେ ପଂହଚିବା ପାଇଁ ଉଦ୍ୟମ ଆରମ୍ଭ କରିଛିା ଖାଲି ଏତିକି ନୁହେଁ ସୂର୍ଯ୍ୟ ଫିଲିଂ ଷ୍ଟେସନ ଓ ରବୀନ୍ଦ୍ର ସାହୁଙ୍କ ତରଫରୁ ବିପୁଳ ପରିଣାର ଟଙ୍କା ପ୍ରଦୀପ ପାଣିଗ୍ରାହୀଙ୍କ ଆକାଂଉଟଙ୍କୁ ପଠାଯାଇଛି । ତେଣୁ ସଂପୃକ୍ତ ବ୍ୟକ୍ତି ଓ ସଂସ୍ଥା ବି ଏସଆଟିର ସ୍କାନରରେ ଆସିପାରନ୍ତି ।