ଭୂମିକମ୍ପରେ ଥରିଲା ଆଫଗାନିସ୍ତାନ ଓ ପାକିସ୍ତାନ: ହଜାରେରୁ ଅଧିକ ଲୋକଙ୍କର ମୃତ୍ୟୁ ଘଟିଥିବା ବେଳେ ଆହତଙ୍କ ସଂଖ୍ୟା ଢେର ଅଧିକ
କନକ ବ୍ୟୁରୋ: ଘର କେଉଁଟା, ହସ୍ପିଟାଲ କେଉଁଟା ଚିହ୍ନି ହେଉନି । ସବୁ କିଛି ଛାରଖାର । ଘର କାନ୍ଥ ପଡି ବେଳେ କିଏ ଚାପି ହୋଇଯାଇଛି ତ ଆଉ କିଏ ଉଦ୍ଧାର ହୋଇ ନିଜ ସଂପର୍କୀୟଙ୍କୁ ଖୋଜୁଛି । ତ ଆଉ କେଉଁଠି ପୁରା ପରିବାର ମାଟି ତଳେ ଚାପି ହୋଇଯାଇଛନ୍ତି । ଦିନେ ତାଲିବାନଙ୍କ ଶାସନ ଆସିବା ମାତ୍ରେ ଲୋକମାନେ ଭୟରେ ଯେପରି ଏଣେ ତେଣେ ଦୌଡୁଥିଲେ ଏବେ ପ୍ରକୃତିର ତାଣ୍ଡବରେ ଲୋକେ ପ୍ରାଣ ବିକଳରେ ଏଣେ ତେଣୁ ଦୌଡୁଛନ୍ତି । ଭୂକମ୍ପର ତୀବ୍ରତା ୬.୧ ଥିବା ସୂଚନା ରହିଛି । ଯାହା ବଡ଼ ଧରଣର କ୍ଷତି ଘଟାଇଛି । ଅନ୍ତର୍ଜାତୀୟ ମିଡିଆର ରିପୋର୍ଟ ଅନୁଯାୟୀ, ଏହି ଭୂକମ୍ପରେ ଦେଶରେ ବ୍ୟାପକ ଘର ଭୁଶୁଡି ପଡିଛି । ଅନେକ ଲୋକ ନିଖୋଜ ରହିଛନ୍ତି । ଆଉ ତାଲିବାନ ପ୍ରଶାସନ ହେଲିକପ୍ଟର ଜରିଆରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆଫଗାନିସ୍ତାନର ପଡୋଶୀ ଦେଶ ପାକିସ୍ଥାନର ପାଣିପାଗ ବିଭାଗ ଆକଳନ କରିଛି ଯେ ରିକ୍ଟର ସ୍କେଲରେ ଭୂକମ୍ପର ମାତ୍ରା ୬.୧ ରହିଛି । ପାକିସ୍ତାନର ରାଜଧାନୀ ଇସଲାମାବାଦ ସମେତ ଅନେକ ସହରରେ ଏହି ଭୂକମ୍ପର କମ୍ପନ ଅନୁଭୂତ ହୋଇଛି ।
ସୋସିଆଲ ମିଡିଆରେ ସେୟାର ହୋଇଥିବା ଭିଡିଓ ଗୁଡିକରେ ପାକିସ୍ତାନ ନିକଟ ପକ୍ତିକା ପ୍ରାନ୍ତରୁ ହେଲିକପ୍ଟର ଯୋଗେ ଲୋକଙ୍କୁ ସ୍ଥାନାନ୍ତର କରାଯାଉଛି । ତାଲିବାନ ସରକାରଙ୍କ ଡେପୁଟି ମୁଖପାତ୍ର ବିଲାଲ କରିମି କହିଛନ୍ତି ଯେ ଏହି ଭୟଙ୍କର ଭୂକମ୍ପ ପକ୍ତିକା ପ୍ରଦେଶର ଚାରୋଟି ଜିଲ୍ଲାକୁ ପ୍ରଭାବିତ କରିଛି । ଏହି ବିପର୍ଯ୍ୟୟରେ ଦେଶର ଶତାଧିକ ଲୋକ ମୃତ୍ୟୁବରଣ କରିଛନ୍ତି ଏବଂ ଆହତ ସଂଖ୍ୟା ମଧ୍ୟ ବଢିଛି ବୋଲି ଆଶା କରାଯାଉଛି ।
ୟୁଏସ ଜିଓଲୋଜିକାଲ ସର୍ଭେ ମୁତାବିକ ଆଫଗାନିସ୍ତାନର ଦକ୍ଷିଣପୂର୍ବ ଭୂକମ୍ପର କେନ୍ଦ୍ରସ୍ଥଳ ରହିଛି । ପାକିସ୍ତାନ ସୀମା ତଥା ଆଫଗାନିସ୍ତାନର ଖୋଷ୍ଟ ସହରଠାରୁ ୪୪ କିମି ଦୂରରେ ୫୧ କିମି ଗଭୀରରେ ଭୂକମ୍ପର କେନ୍ଦ୍ରସ୍ଥଳ ଥିବା ରେକର୍ଡ଼ କରାଯାଇଛି । ଏହାର ପ୍ରଭାବରେ ଆଫଗାନିସ୍ତାନର ରାଜଧାନୀରେ ବହୁ କ୍ଷୟକ୍ଷତି ହୋଇଛି । ଅନ୍ୟପକ୍ଷରେ ପାକିସ୍ତାନର ୧୧୯ ମିଲିଅନ ଲୋକେ ଭୂକମ୍ପର ତୀବ୍ରତା ଅନୁଭବ କରିଛନ୍ତି ।
ଦୁଇ ଦଶନ୍ଧି ଧରି ଆମେରିକାର ଶକ୍ତି ବିରୋଧରେ ଲଢ଼େଇ ପରେ ତାଲିବାନ ଆଫଗାନିସ୍ତାନର ଶାସନ କ୍ଷମତାକୁ ଅକ୍ତିଆର କରିଥିଲା । କିନ୍ତୁ ଆର୍ଥିକ ସଙ୍କଟ ଦେଇ ଗତି କରୁଥିବା ଏହି ଇସଲାମିକ ଦେଶରେ ଭୂକମ୍ପ ହେବା ଦେଶବାସୀଙ୍କ ଆର୍ôଥକ ମେରୁଦଣ୍ଡକୁ ଦୋହଲାଇ ଦେବ ।