ରାତି ସାରା ଧାରଣାରେ ପରେ ଆନ୍ଦୋଳନକାରୀଙ୍କ ସହ ଆଲୋଚନା କଲେ ଜିଲ୍ଲାପାଳ। ଜନଶୁଣାଣିର ତଦନ୍ତ ପାଇଁ ପ୍ରତିଶ୍ରୁତି ଦେବା ପରେ ଉଠିଲା ଧାରଣା।
କନକ ବ୍ୟୁରୋ: ରାତି ସାରା ସୁନ୍ଦରଗଡ ଜିଲ୍ଲାପାଳଙ୍କ ଅଫିସ୍ ଆଗରେ ଆଦିବାସୀଙ୍କ ଧାରଣା । ବିସ୍ଥାପନକୁ ବିରୋଧ କରି ଦୀର୍ଘ ୬୫କିଲୋମିଟର ଚାଲିବା ପରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରିଥିଲେ ବହୁ ସଂଖ୍ୟାରେ ଆଦିବାସୀ । କହିଥିଲେ, ଜୀବନ ଦେବୁ ପଛେ ଜମି ଦେବୁ ନାହିଁ । ଜମି ଅଧିଗ୍ରହଣକୁ ବିରୋଧ କରି ପ୍ରତିବାଦ କରୁଥିବା ଆଦିବାସୀ ସାରା ରାତି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ । ଆଲୋଚନା ପାଇଁ ଆଦିବାସୀଙ୍କ ଜଣେ ପ୍ରତିନିଧିଙ୍କୁ ଜିଲ୍ଲାପାଳ ଡକାଇ ଥିଲେ । ହେଲେ, ଏଥିରେ ରାଜି ହୋଇନଥିଲେ ଆନ୍ଦୋଳନକାରୀ । ଜିଲ୍ଲାପାଳ ନିଜେ ରାଜରାସ୍ତା ଉପରକୁ ଆସି ତାଙ୍କ ସହ ଆଲୋଚନା କରନ୍ତୁ ବୋଲି ଅଡ଼ି ବସିଥିଲେ ।
Kanak News is now on WhatsApp
Join and get latest news updates delivered to you via WhatsApp
୧୮ ତାରିଖରୁ ରାଜଗାଙ୍ଗପୁର କେଶ୍ରାମାଲରୁ ବାହାରି ଶହ ଶହ ଆଦିବାସୀ ଶୁକ୍ରବାର ସୁନ୍ଦରଗଡ଼ ଜିଲ୍ଲାପାଳଙ୍କ ଅଫିସ୍ ପାଖରେ ପହଞ୍ଚିଥିଲେ । ସେହିଠାରେ ସେମାନେ ରାତିରେ ଖୋଲା ଆକାଶ ତଳେ ପ୍ରତିବାଦ କରିଥିଲେ । ସୂଚନା ଅନୁସାରେ ରାଜଗାଙ୍ଗପୁର ବ୍ଲକର ଝଗରପୁର, କେଶରାମାଲ, ଅଲଣ୍ଡା, କୁକୁଡ଼ା ଓ କୁତ୍ରା ବ୍ଲକର ଖଟଙ୍ଗ ପଞ୍ଚାୟତରେ ୭୧୭ ଏକର ଜମି ଅଧିଗ୍ରହଣ କରିବ ଓସିଏଲ ।ଏଥିପାଇଁ ପ୍ର୍ରକ୍ରିୟା ଆରମ୍ଭ ହୋଇଥିବା ବେଳେ ଏହାକୁ ବିରୋଧ କରିଆସୁଛନ୍ତି ଆଦିବାସୀ ।ଶେଷରେ ଜିଲ୍ଲାପାଳ ଆନ୍ଦୋଳନକାରୀଙ୍କ ସହ ଆଲୋଚନା କରିଥିଲେ । ଏବଂ ହୋଇଥିବା ଜଣଶୁଣାଣିକୁ ତର୍ଜମା କରାଯିବ ଓ ଏ ବିଷୟରେ ସଂପୂର୍ଣ୍ଣ ତଦନ୍ତ କରାଯିବ ବୋଲି ଜିଲ୍ଲାପାଳ ଆଶ୍ୱାସନା ଦେଇଥିଲେ । ପ୍ରତିଶ୍ରୁତି ପାଇବା ପରେ ଆନ୍ଦୋଳନ ପ୍ରତ୍ୟାହୃତ କରି ନେଇଛନ୍ତି ଆନ୍ଦୋଳନକାରୀ ।