ମାତ୍ରାଧିକ ବସ୍ ଭଡା ଆଦାୟକୁ ନେଇ ସରକାରଙ୍କ କଡା ଆଭିମୁଖ୍ୟ: ଜୁଲାଇରେ ଧାର୍ଯ୍ୟ ଦରଠୁ ଅଧିକ ଆଦାୟ ନକରିବା ପାଇଁ ବିଜ୍ଞପ୍ତି ଜାରି କଲା ପରିବହନ ବିଭାଗ
କହିଲେ ଖିଲାପ କଲେ ବାତିଲ ହେବ ପରମିଟ
କନକ ବ୍ୟୁରୋ: ଯାତ୍ରୀବାହୀ ବସ ଗୁଡିକ ଯାତ୍ରୀଙ୍କ ଠାରୁ ଅତ୍ୟଧିକ ଭଡା ଆଦାୟ କରୁଥିବା ନେଇ କଡା ଆଭିମୁଖ୍ୟ ପୋଷଣ କରିଛନ୍ତି ରାଜ୍ୟ ସରକାର । ପରିବହନ କମିସନରଙ୍କ କାର୍ଯ୍ୟାଳୟ କହିଛନ୍ତି, କିଛି କିଛି ଯାତ୍ରୀବାହୀ ବସ ମାତ୍ରାଧିକ ଭଡା ଆଦାୟ କରୁଛନ୍ତି । ଯଦି ଏଭଳି ସେମାନେ ଜାରି ରଖନ୍ତି ତେବେ ତାଙ୍କ ବସର ପରମିଟ ବାତିଲ କରାଯିବ । ଏହାସହ ଭୁବନେଶ୍ୱରରୁ କେଉଁ ଜିଲ୍ଲାକୁ ଯିବା ପାଇଁ କେତେ ଟିକେଟ ଦର ରହିବ ସେନେଇ ଏକ ଚାର୍ଟ ପ୍ରସ୍ତୁତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ଜୁଲାଇ ମାସରେ ଯେଉଁ ବସଭଡା ଦର ସ୍ଥିର ହୋଇଥିଲା ତାକୁ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ପରିବହନ କମିସନର । ଯଦି କେହି ଏହାବାଦ ଅଧିକ ଅର୍ଥ ଯାତ୍ରୀଙ୍କ ଠାରୁ ଆଦାୟ କରନ୍ତି ତେବେ ସେହି ବସର ପରିମିଟ ବାତିଲ କରାଯିବ ବୋଲି କହିଛନ୍ତି । ଏହି ଆଧାରରେ ସାଧାରଣ ବସ ଯାତ୍ରୀଙ୍କ ଠାରୁ କିଲୋମିଟର ପିଛା ୭୨ପଇସା ଆଦାୟ କରିପାରିବେ । ଏକ୍ସପ୍ରେସ ବସ ପାଇଁ ଏହି ଦର ହେଉଛି କିଲୋମିଟର ପିଛା ୭୫ପଇସା । ଡିଲକ୍ସ ବସ ପାଇଁ କିଲୋମିଟର ପିଛା ୧ଟଙ୍କା ୫ପଇସା ଯାତ୍ରୀଙ୍କୁ ଦେବାକୁ ପଡିବ । ଆଉ ଏସି ଡିଲକ୍ସ ପାଇଁ ବସ ଭଡା କିଲୋମିଟର ପିଛା ଦର ହେଉଛି ୧ଟଙ୍କା ୨୭ପଇସା ।