ଆଦିତ୍ୟଙ୍କ ଆତ୍ମହତ୍ୟାର ପୂର୍ବଦିନରେ ଘଟିଥିଲା କଣ? କନକ ନ୍ୟୁଜରେ ପୁରା କାହାଣୀ କହିଲେ ବିଦ୍ୟାଶ୍ରୀ, ସହଯୋଗୀ ପପୁଙ୍କୁ ଟଙ୍କା ଦେବାକୁ ନେଇ ଖୁବ ମାନସିକ ଚାପରେ ଥିଲେ ଆଦିତ୍ୟ
କନକ ବ୍ୟୁରୋ : ଆଦିତ୍ୟଙ୍କ ଆତ୍ମହତ୍ୟାର ଠିକ୍ ପୂର୍ବଦିନ କଣ ଘଟିଥିଲା । ଆଦିତ୍ୟ ଖୁବ୍ ମାନସିକ ଚାପରେ ଥିଲେ । ଏପରିକି ସକାଳେ ଖାଇବାକୁ ମନା କରି ଦେଇଥିଲେ । ତାଙ୍କ ମୋବାଇଲକୁ ଏକ ମେସେଜ ଆସିଥିଲା । ଆଉ ସେ ମେସେଜକୁ ପଢିଥିଲେ ତାଙ୍କ ପତ୍ନୀ ।
Kanak News is now on WhatsApp
Join and get latest news updates delivered to you via WhatsApp
ଆତ୍ମହତ୍ୟା ପୂର୍ବ ଦିନର କଥା । ମୋବାଇଲର ହ୍ୱାଟସଆପରେ ପପୁର ମେସେଜ ଥିଲା । ପପୁ ଚାହୁଁଥିଲେ, ଭଉଣୀ ବାହାଘର ପାଇଁ ଆଦିତ୍ୟ ତାଙ୍କୁ ଆଶ୍ରମର ଫଣ୍ଡରୁ ୭୦ ହଜାର ଟଙ୍କା ଦିଅନ୍ତୁ । ଏହି ମେସେଜ ଆଦାନ ପ୍ରଦାନ ପରେ ଭାରାକ୍ରାନ୍ତ ହୋଇ ଶୋଇ ପଡିଥିଲେ ଆଦିତ୍ୟ । କିନ୍ତୁ ପରଦିନ ପତ୍ନୀ ପ୍ରଶ୍ନ ଉଠାଇଥିଲେ, କେଉଁଠାରୁ ଆଣି ୭୦ ହଜାର ଟଙ୍କା ଦେବ ।
ବିଦ୍ୟାଶ୍ରୀ ଏହି ପ୍ରଶ୍ନ ଉଠାଇବାର କାରଣ ଥିଲା, ସେ ଥରେ ଆଦିତ୍ୟଙ୍କୁ ୫୦ ହଜାର ଟଙ୍କା ମାଗିଥିଲେ, କିନ୍ତୁ ଆଦିତ୍ୟ କହିଥିଲେ ଆଶ୍ରମ ଫଣ୍ଡରେ ହାତ ମାରିବାର ପ୍ରଶ୍ନ ଉଠୁନାହିଁ । ଲୋକଙ୍କ ଦାନରେ ଏହି ଫଣ୍ଡ କରାଯାଇଥିଲା । ଆଦିତ୍ୟ ଏଥିରୁ ବ୍ୟକ୍ତିଗତ କାରଣ ପାଇଁ କେବେ ଟଙ୍କା ଉଠାଇବାକୁ ଚାହୁଁନଥିଲେ । ଏହି ଟଙ୍କାରେ ଆଶ୍ରମ ପାଇଁ ଏକ ଜମି କିଣିବାକୁ ଚାହୁଁଥିଲେ ଆଦିତ୍ୟ । କିନ୍ତୁ ପପୁ ଏହି ଟଙ୍କାରୁ ୭୦ ହଜାର ଟଙ୍କା ନେବାକୁ ଚାହୁଁଥିଲେ ।
କିନ୍ତୁ ବାହାଘର ବେଳେ ବାଧ୍ୟ ହୋଇ ଆଦିତ୍ୟ ନିଜେ ୫୦ ହଜାର ଟଙ୍କା ଏହି ଫଣ୍ଡରୁ ନେଇଥିଲେ । ଏକଥା କେବଳ ଟ୍ରେଜରର ପପୁ ଜାଣିଥିଲେ । ଆଉ ଏବେ ପପୁକୁ ଟଙ୍କା ନଦେଲେ ନିଜେ ୫୦ ହଜାର ନେବା କଥା ପ୍ରଚାର କରିଦେବେ ବୋଲି ଆଦିତ୍ୟଙ୍କ ମନରେ ଭୟ ଥିଲା । ଏବଂ ଏହା ତାଙ୍କ ମର୍ଯ୍ୟାଦାରେ ଆଂଚ ଆଣିବ ବୋଲି ଦୁଃଖି ହୋଇଯାଇଥିଲେ । ଆଉ ଆଦିତ୍ୟଙ୍କ ମନରେ ଏଇ ଭୟ ବି ଥିଲା ଯେ, ପପୁ ଟଙ୍କା ନେଇ ଫେରାଇ ପାରିବେ ନାହିଁ ।
ପପୁ , ଆଶ୍ରମ ଫଣ୍ଡର ଟ୍ରେଜରର । ପପୁଙ୍କ କହିବା କଥା ହେଉଛି, ୭୦ ହଜାର ଟଙ୍କାର ଚାପ ଏକ ଛୋଟ କାରଣ । ଯାହା ପାଇଁ ଜଣେ ଆତ୍ମହତ୍ୟା କରିପାରିବ ନାହିଁ । ସୋସିଆଲ ମିଡିଆରେ ଖୁସିର ସୂତ୍ର କହୁଥିବା ଏହି ସମାଜସେବୀଙ୍କ ପାଇଁ ନିଜର ଆତ୍ମସମ୍ମାନ ଓ ସ୍ୱାଭିମାନ ବୋଧ ହୁଏ ବହୁତ ଗୁରୁତ୍ୱ ରଖୁଥିଲା । ଏଥିରେ କୌଣସି ଆଂଚ ଆଣିବାକୁ ଚାହୁଁ ନଥିଲେ ଆଦିତ୍ୟ । ତେବେ ଆତ୍ମହତ୍ୟା ପଛରେ ପ୍ରକୃତରେ କଣ କାରଣ ରହିଛି, ତାହା ପୁଲିସ ତଦନ୍ତ ପରେ ସ୍ପଷ୍ଟ ହୋଇଯିବ ।