ଭୁବନେଶ୍ୱର ନାବାଳିକା ଗଣଦୁଷ୍କର୍ମ ମାମଲାରେ କ୍ରାଇମବ୍ରାଂଚ ହାତକୁ ଗଲା ତଦନ୍ତଭାର । କିଛି ସ୍ଥାନରେ ଟିମର ତନାଘନା, ମୁଖ୍ୟ ଅଭିଯୁକ୍ତଙ୍କୁ ନୋଟିସ ସୂଚନା
କନକ ବ୍ୟୁରୋ : ଭୁବନେଶ୍ୱର ନାବାଳିକା ଗଣଦୁଷ୍କର୍ମ ମାମଲା ଏବେ ନୂଆମୋଡ ନେଇଛି । କ୍ରାଇମବ୍ରାଂଚକୁ ମାମଲାର ତଦନ୍ତ ଭାର ଦିଆଯାଇଛି । ଏହି ନିର୍ଦ୍ଦେଶ ପରେ ଭୁବନେଶ୍ୱର ମହିଳା ଥାନାରୁ ମାମଲା ସମ୍ପର୍କିତ କାଗଜପତ୍ର ନେଇଛି ତଦନ୍ତକାରୀ ଏଜେନ୍ସି । ବୁଧବାରଦିନ କ୍ରାଇମବ୍ରାଞ୍ଚର ଏକ ଟିମ ବିଭିନ୍ନ ସ୍ଥାନକୁ ଯାଇ ତଦନ୍ତ କରିଛି । ସୂଚନା ଅନୁସାରେ, ମୁଖ୍ୟ ଅଭିଯୁକ୍ତକୁ ତଦନ୍ତକାରୀ ଏଜେନ୍ସି ନୋଟିସ ଜାରି କରିଛି ।
Kanak News is now on WhatsApp
Join and get latest news updates delivered to you via WhatsApp
ନାବାଳିକା ଗଣଦୁଷ୍କର୍ମ ଘଟଣାରେ ତଦନ୍ତ କମିଶନରେଟ ପୁଲିସ କରୁଥିଲା । କିନ୍ତୁ ତଦନ୍ତ ସଠିକ ଦିଗରେ ଯାଉନଥିବା ଅଭିଯୋଗ ହେବା ପରେ ଏଭଳି ପଦକ୍ଷେପ ନିଆଯାଇଛି । ଓଟିଭି ଅଫିସରେ କାର୍ଯ୍ୟ କରୁଥିବା ଜଣେ ମହିଳା ଲକଡାଉନ ସମୟରେ ତାଙ୍କ ଝିଅକୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ କରିଥିଲେ । ଏଥିରେ ଜଣେ ପୁଲିସ କର୍ମଚାରୀ, ଓଟିଭିର କିଛି କର୍ମଚାରୀଙ୍କ ସହ ୭ଜଣ ସାମିଲ ଥିବା ଅଭିଯୋଗ ହୋଇଥିଲା ।
ଗତ ଅଗଷ୍ଟ ୩୦ ତାରିଖରେ ମହିଳାଜଣକ ମହିଳା ଥାନରା ଲିଖିତ ଅଭିଯୋଗ କରିଥିଲେ । ଘଟଣାରେ ମହିଳା କମିଶନ ଓଟିଭିର ଏମଡି ଜାଗିମଙ୍ଗତ ପଣ୍ଡାଙ୍କୁ ହାଜର ପାଇଁ ନୋଟିସ ଜାରି କରିଥିଲେ । ଥରେ ସେ ହାଜର ହୋଇଥିଲେ ବି ନିଜ ପକ୍ଷ ରଖିନଥିଲେ । ପରେ ହାଜର ପାଇଁ ନିଜ ପ୍ରତିନିଧିକୁ ପଠାଇଥିଲେ । ସେପଟେ ଥାନାରେ ଅଭିଯୋଗ ହେବାର ୩୬ ଦିନ ପରେ ବି କମିଶନରେଟ ପୁଲିସ ଘଟଣାରେ କିଛି ଟେର ପାଇନଥିଲା । ଶେଷରେ ତଦନ୍ତ ପାଇଁ ମାମଲା କ୍ରାଇମବ୍ରାଂଚକୁ ଯାଇଛି ।