କନକ ବ୍ୟୁରୋ: କରୋନା ଭୂତାଣୁ ବାରମ୍ବାର ରୂପ ବଦଳାଉଛି । ଏବେ ଏହି ଭୂତାଣୁର ଆଉ ଏକ ନୂଆ ଭ୍ୟାରିୟାଂଟ ଠାବ କରିଛନ୍ତି ବୈଜ୍ଞାନିକ । ଯାହାର ନାଁ ଦିଆଯାଇଛି ଡେଲଟା ପ୍ଲସ ବା ଏୱାଇ-୧ । ବୈଜ୍ଞାନିକଙ୍କ ମତ ହେଉଛି ଏହି ଭାରିୟାଂଟ ଡେଲ୍ଟା ଭାରିୟାଂଟ ମ୍ୟୁଟେସନରୁ ସୃଷ୍ଟି ହୋଇଛି । ଦ୍ୱିତୀୟ ଲହରରେ ଆତଙ୍କ ଖେଳାଇଥିଲା ଡେଲଟା ଭ୍ୟାରିୟାଂଟ । ଦେଶରେ ଦ୍ରୁତ ଗତିରେ ମାଡି ଚାଲିବା ସହ ହଜାର ହାଜର ଲୋକଙ୍କ ଜୀବନ ନେଇଥିଲା ଭୂତାଣୁର ଡେଲଟା ଭାରିୟାଂଟ ।
Kanak News is now on WhatsApp
Join and get latest news updates delivered to you via WhatsApp
ଏବେ ପ୍ରଶ୍ନ ଉଠୁଛି କରୋନା ଭୂତାଣୁର ଏହି ନୂଆ ଭ୍ୟାରିୟାଂଟ ଡେଲଟା ପ୍ଲସ, କଣ ଅଧିକ ସଂକ୍ରାମକ ହେବ କି । ତେବେ ଡେଲଟା ପ୍ଲସ ଭାରିୟାଂଟକୁ ନେଇ ସ୍ୱାସ୍ଥ୍ୟ ବିଶେଷଜ୍ଞ ବିଶେଷ ଚିନ୍ତିତ ନୁହଁନ୍ତି । ସେମାନଙ୍କ ମତରେ ଭାରତରେ ଏପର୍ଯ୍ୟନ୍ତ ଏହି ଭାରିୟାଂଟକୁ ନେଇ ଚିନ୍ତା କରିବାର କାରଣ ନାହିଁ । ନୀତି ଆୟୋଗ ସଦସ୍ୟ ଡକ୍ଟର ଭି.କେ ପଲଙ୍କ କହିବା କଥା ଏହି ଡେଲଟା ପ୍ଲସ୍ ଭାରିଏଂଟକୁ ନେଇ ଅଧିକ ଗବେଷଣା ହେଉଛି । ଏହି ଭାରିଏଂଟକୁ ନେଇ ଏବେ ଚିନ୍ତିତ ହେବାର ଆବଶ୍ୟକତା ନାହିଁ ।