୨୬ବର୍ଷୀୟ ମହିଳାଙ୍କୁ ଗର୍ଭପାତ କରିବାକୁ ଅନୁମତି ଦେଲେ କୋର୍ଟ। ଦିଲ୍ଲୀ ହାଇକୋର୍ଟ ଶୁଣାଇଲେ ଗୁରୁତ୍ୱପୂର୍ଣ୍ଣ ରାୟ।
କନକ ବ୍ୟୁରୋ: ଦିଲ୍ଲୀ ହାଇକୋର୍ଟ ଜଣେ ୨୬ ବର୍ଷୀୟ ମହିଳାଙ୍କୁ ଗର୍ଭପାତ କରିବାକୁ ଅନୁମତି ଦେଇଛନ୍ତି । ଗର୍ଭସ୍ଥ ଶିଶୁର ସ୍ନାୟୁଗତ ସମସ୍ୟା ହେତୁ ମହିଳା ଜଣକ ୩୩ ସପ୍ତାହରେ ଗର୍ଭପାତ କରିବାକୁ ଅନୁମତି ମାଗିଥିଲେ । ମହିଳା ଜଣକ ଦାବି କରିଛନ୍ତି, ସେ ଗର୍ଭବତୀ ହେବା ପରଠାରୁ ଅନେକ ଅଲଟ୍ରାସାଉଣ୍ଡ କରିଛନ୍ତି । ହେଲେ ନଭେମ୍ବର କରିଥିବା ଅଲଟ୍ରାସାଉଣ୍ଡରୁ ଜାଣିବାକୁ ପାଇଛନ୍ତି, ଗର୍ଭସ୍ଥ ଶିଶୁଠାରେ ଗୁରୁତର ମସ୍ତିଷ୍କ ରୋଗର ଲକ୍ଷଣ ରହିଛି । ଏଥିପାଇଁ ସେ ହାଇକୋର୍ଟକୁ ଗର୍ଭପାତ ନେଇ ଅନୁମତି ମାଗିଥିଲେ । ମଙ୍ଗଳବାର ଦିଲ୍ଲୀ ହାଇକୋର୍ଟ ଏନେଇ ଶୁଣାଣି କରି ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳାଙ୍କୁ ଗର୍ଭପାତ ନେଇ ଅନୁମତି ଦେବା ସହ କୋର୍ଟ କହିଛନ୍ତି, ଗର୍ଭଧାରଣ ପ୍ରସଙ୍ଗରେ ଚୂଡାନ୍ତ ନିଷ୍ପତି ନେବାର କ୍ଷମତା କେବଳ ଗର୍ଭବତୀ ମା’ର ରହିଛି । ତେବେ ଏହି କ୍ଷେତ୍ରରେ ଡାକ୍ତରଙ୍କ ପରାମର୍ଶ ଅନୁଯାୟୀ ମା ଜଣକ ଗର୍ଭପାତ କରିପାରିବେ । କୋର୍ଟ ଆହୁରି ମଧ୍ୟ କହିଛନ୍ତି, ବର୍ତମାନ ଗର୍ଭବତୀ ମହିଳା, ଗର୍ଭପାତ କରିବାର ଅଧିକାର ସାରା ବିଶ୍ୱରେ ବିର୍ତକର ବିଷୟ ପାଲଟିଛି, ଏହି ଅଧିକାର ବଳରେ ଜଣେ ମହିଳା ସନ୍ତାନ ପ୍ରସବ କରିବାକୁ ଚାହୁଁଛି କି ନାହିଁ, ସେନେଇ ନିଷ୍ପତି ନେଇପାରିବେ ।