୨୪ ଘଂଟାରେ ଦେଶର କରୋନା ଚିତ୍ର : ୯୬ ହଜାରରୁ ଅଧିକ ନୂଆ ରୋଗୀ ସହ ଆକ୍ରାନ୍ତଙ୍କ ସଂଖ୍ୟା ୫୨ ଲକ୍ଷ ପାର୍; ହଜାରେ ୧୭୪ ମୃତ୍ୟୁ
କନକ ବ୍ୟୁରୋ : ଦେଶରେ ୫୨ ଲକ୍ଷ ଟପିଲା କରୋନା ଆକ୍ରାନ୍ତ ସଂଖ୍ୟା । ମୃତ୍ୟୁ ସଂଖ୍ୟା ଟପିଲା ୮୪ ହଜାର । ଆଜି ଦେଶର କରୋନା ଆକ୍ରାନ୍ତଙ୍କୁ ନେଇ ଏପରି ତଥ୍ୟ ଦେଇଛି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଗତ ୨୪ ଘଂଟାରେ ସାରା ଦେଶରେ ୯୬ ହଜାର ୪୨୪ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ୍ କରୋନା ଆକ୍ରାନ୍ତ ସଂଖ୍ୟା ୫୨ ଲକ୍ଷ ୧୪ ହଜାର ୬୭୮କୁ ବୃଦ୍ଧି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଗତ ୨୪ ଘଂଟାରେ ସାରା ଦେଶରେ ୧୧ ଶହ ୭୪ ଜଣ ଆକ୍ରାନ୍ତଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଛି । ଏହାକୁ ମିଶାଇ ଦେଶରେ ମୋଟ୍ କରୋନା ମୃତ୍ୟୁ ସଂଖ୍ୟା ୮୪ ହଜାର ୩୭୨କୁ ବଢିଛି । ଦେଶରେ ବର୍ତମାନ ୧୦ ଲକ୍ଷ ୧୭ ହଜାର ୭୫୪ ଆକ୍ଟିଭ୍ କେସ୍ ରହିଛି । ୪୧ ଲକ୍ଷ ୧୨ ହଜାର ୫୫୨ ଜଣ ଚିକିତ୍ସା ପରେ ସୁସ୍ଥ ହୋଇଛନ୍ତି ।