ଦେଶକୁ ଖୁବଶୀଘ୍ର ମିଳିବ ଫାଇଜର ଟିକା ! ଜାଣନ୍ତୁ ଏନେଇ କ’ଣ କହିଲେ ନୀତି ଆୟୋଗ ସଦସ୍ୟ

484

କନକ ବ୍ୟୁରୋ : ନିଅଣ୍ଟିଆ ଟିକାକୁ ନେଇ ଦେଶରେ ଚାଲିଥିବା ଟିକାକରଣ ଭିତରେ ଭାରତକୁ ଖୁବଶୀଘ୍ର ଫାଇଜର ଟିକା ମିଳିପାରେ । ନୀତି ଆୟୋଗ ସଦସ୍ୟ ବି.କେ ପଲ କହିଛନ୍ତି କି, ଫାଇଜର ଟିକାର ଉପଲବ୍ଧତା ନେଇ ସଂକେତ ମିଳିବା ପରେ କମ୍ପାନୀ ଓ ସରକାର ଉଭୟ ଏହାକୁ ଦେଶରେ ପହଂଚାଇବାକୁ କାମ କରୁଛନ୍ତି ।

ପଲ ବୁଧବାର ଦିନ ଭାରତରେ ଟିକାକରଣ ପ୍ରକ୍ରିୟା ଓ ଉପଲବ୍ଧତା ଉପରେ କହିଛନ୍ତି କି, ସାରା ବିଶ୍ୱରେ ଟିକାର ମହଜୁଦ ସିମୀତ ଅଟେ । କମ୍ପାନୀ ମାନେ ପ୍ରାଥମିକତା, ଯୋଜନା ହିସାବରେ ଟିକା ଆବଣ୍ଟନ କରୁଛନ୍ତି । ଏହାସହ ସେ କହିଛନ୍ତି କି. ଯେତେବେଳେ ଆମକୁ ଫାଇଜର ଟିକାର ଉପଲବ୍ଧତା ନେଇ ସଂକେତ ମିଳିଲା ସରକାର ଓ କମ୍ପାନୀ ଉଭୟ ତା’ ଉପରେ ମିଳିତ ଭାବେ କାମ କରୁଛନ୍ତି ।

ଏହାସହ ସେ ଆହୁରି କହିଛନ୍ତି କି ୨୦୨୦ ମଧ୍ୟଭାଗରୁ ସରକାର ବିଶ୍ୱର ପ୍ରମୁଖ ଟିକା କମ୍ପାନୀ ଯେମିତି କି ଫାଇଜର , ଜେଏଡଜେ ତଥା ମଡର୍ଣ୍ଣା ଭଳି କମ୍ପାନୀ ସହ ଆଲୋଚନା ଜାରି ରଖିଛନ୍ତି । ସରକାର ଏହି କମ୍ପାନୀ ମାନଙ୍କ ଠାରୁ ଟିକା ଆଣିବା ଓ ଏହାକୁ ଭାରତରେ ଉତ୍ପାଦନ କରିବା ନେଇ କମ୍ପାନୀ ମାନଙ୍କୁ ପୁରା ସହାୟତା ଯୋଗାଇ ଦେବାକୁ କହିଛନ୍ତି ।

ସୂଚନା ମୁତାବକ ଫାଇଜର ତରଫରୁ କୁହାଯାଇଛି କି ଫାଇଜର ଟିକା ଭାରତରେ ଦେଖାଦେଇଥିବା ସାର୍ସ-ସିଓବି -୨ ଭୂତାଣୁ ଉପରେ ବେସ୍ ପ୍ରଭାବଶାଳୀ ହେବ । ଏହି ଟିକା ୧୨ ବର୍ଷରୁ ଅଧିକ ବୟସ୍କଙ୍କ ଠାରେ ଦେଇହେବ । ଏହାକୁ ୨-୮ ଡିଗ୍ରୀ ତାପମାତ୍ରାରେ ୧ ମାସ ଯାଏଁ ରଖାଯାଇପାରିବ । ଫାଇଜର ଜୁଲାଇରୁ ଅକ୍ଟୋବର ମାସ ସୁଦ୍ଧା ଭାରତକୁ ୫ କୋଟି ଟିକା ଦେବାକୁ କହିଛି । ଏହାସହ ସେ ଟିକା ବାବଦରେ କିଛି ଅଗ୍ରୀମ ରାଶି ଭାରତ ସରକାରଙ୍କୁ ମାଗିଛି ।

Comments are closed.