କରୋନା କଟକଣା ପାଇଁ ହଠାତ୍ ବନ୍ଦ ହୋଇଗଲା ଦେଶ । ବିଭିନ୍ନ ସମୟରେ ବହୁ ପ୍ରବାସୀ ଶ୍ରମିକଙ୍କ ଘଟିଲା ମୃତ୍ୟୁ । ହେଲେ କେନ୍ଦ୍ର ସରକାରଙ୍କ ପାଖରେ ନାହିଁ ତଥ୍ୟ, ସଂସଦରେ ଲିଖିତ ଉତରରେ ତଥ୍ୟ ଦେଲେ ମନ୍ତ୍ରୀ
କନକ ବ୍ୟୁରୋ : ଦେଶରେ ହଠାତ ଲାଗୁ ହୋଇଥିବା ଲକଡାଉନ ଫଳରେ କେତେ ପ୍ରବାସୀ ଶ୍ରମିକଙ୍କ ମୃତ୍ୟୁ ହୋଇଛି, ସେନେଇ କୈାଣସି ତଥ୍ୟ କେନ୍ଦ୍ର ସରକାରଙ୍କ ନିକଟରେ ନାହିଁ । କେନ୍ଦ୍ରଶ୍ରମ ମନ୍ତ୍ରୀଙ୍କୁ ସାତ ସାଂସଦ ମିଶି କରି ପ୍ରଶ୍ନ କରିଥିଲେ, ଲକଡାଉନର ଅବଧିରେ କଣ ହଜାର ହଜାର ଶ୍ରମିକ ଜୀବନ ହରାଇଛନ୍ତି । ଜବାବରେ ବିଭାଗୀୟ ମନ୍ତ୍ରୀ କହିଥିଲେ, ଏଭଳି କୈଣସି ତଥ୍ୟ ବିଭାଗ ନିକଟରେ ଉପଲବ୍ଧ ନାହିଁ । କୈାଣସି କ୍ଷତିପୂରଣ ବା ସହାୟତା ପ୍ରଭାବିତ ଲୋକଙ୍କ ପରିବାରକୁ ଦିଆଯାଇଛି କି, ପ୍ରଶ୍ନର ଜବାବରେ କୁହାଯାଇଛଥିଲା, ପୂର୍ବପ୍ରଶ୍ନର ସ୍ଥିତିକୁ ଲକ୍ଷ୍ୟ କରି ଏହାର ଆବଶ୍ୟକତା ପଡିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଅର୍ଥାତ୍ ଯେହେତୁ ବିଭାଗ ପାଖରେ ଶ୍ରମିକଙ୍କ ମୃତ୍ୟୁ ନେଇ କୈାଣସି ତଥ୍ୟ ନାହିଁ, ତାହେଲେ ସହାୟତା କାହାକୁ ମିଳିବ? ସେହିଭଳି ଲକଡାଉନ ଅବଧିରେ କେତେ ଲୋକଙ୍କ ଚାକିରୀ ଯାଇଛି, ସେନେଇ ମଧ୍ୟ କୈାଣସି ତଥ୍ୟ ନାହିଁ । କରୋନା ସ୍ଥିତିର ମୁକାବିଲା ପାଇଁ ମାର୍ଚ୍ଚ ୨୫ରେ ସାରା ଦେଶରେ ଲକଡାଉନ ଫଳରେ ସମସ୍ତ ଶିଳ୍ପାନୁଷ୍ଠାନ, କଳକାରଖାନା ବନ୍ଦ ହୋଇଯାଇଥିଲା । କାମଧନ୍ଦା ହରେଇ ଅଜଣା ଆତଙ୍କ ଭିତରେ ଥିବା ପ୍ରବାସୀ ଶ୍ରମିକ ନିଜ ଭିଟାମାଟିକୁ ଫେରିବାକୁ ବାହାରିଥିଲେ ।
ହେଲେ ବସ ଟ୍ରେନ୍ ଓ ବିମାନ ସେବା ବନ୍ଦ କାରଣରୁ ହଜାର ହଜାର କିମି ଚାଲିଥିଲେ ପ୍ରବବାସୀ ଶ୍ରମିକ । ଯାହାଫଳରେ ଅନେକ ଶ୍ରମିକଙ୍କ ରାସ୍ତାରେ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । ଏପରିକି ଅନେକ ଶ୍ରମିକ ସେମାନଙ୍କ ଚାକିରୀ ହରାଇ ବସିଥିଲେ । ୭ ଜଣ ସାଂସଦ ଏହି ପ୍ରଶ୍ନ ପଚାରିଥିବା ବେଳେ ତାଲିକାରେ ଥିଲେ ବଲାଙ୍ଗୀର ସାଂସଦ ସଂଗୀତା ସିଂଦେଓ । ଉତର ରଖିଥିଲେ ବିଭାଗୀୟ ମନ୍ତ୍ରୀ ସନ୍ତୋଷ ଗଙ୍ଗୱାର ।