ରାଜ୍ୟରେ ଦିନିକିଆ ରେକର୍ଡ ଭାଙ୍ଗିଲା କରୋନା ମିଟର । ଗତ ୨୪ ଘଂଟାରେ ୪ ହଜାର ୧୯୮ ନୂଆ ମାମଲା : ଖୋର୍ଦ୍ଧାରେ ସବୁଠୁ ଅଧିକ ୭୫୮, ବିଶ୍ୱରେ ପ୍ରତି ୩ ଆକ୍ରାନ୍ତଙ୍କ ମଧ୍ୟରେ ଜଣେ ଭାରତୀୟ
କନକ ବ୍ୟୁରୋ : ନଜର ପକାନ୍ତୁ ଆଜି କରୋନା ସଂକ୍ରମଣରେ ରାଜ୍ୟର ପ୍ରଥମ ୫ଟି ସ୍ଥାନରେ ରହିଥିବା ଜିଲ୍ଲାର ସ୍ଥିତି ଉପରେ ।
ଖୋର୍ଦ୍ଧାରୁ ସର୍ବାଧିକ ୭୫୮ ଆକ୍ରାନ୍ତ
କଟକରୁ ୩୬୭ ଆକ୍ରାନ୍ତ
ପୁରୀରୁ ୩୧୦ ଆକ୍ରାନ୍ତ
ସୁନ୍ଦରଗଡରୁ ୧୯୫ ଆକ୍ରାନ୍ତ
ବଲାଙ୍ଗୀରରୁ ୧୯୭ ଆକ୍ରାନ୍ତ
Kanak News is now on WhatsApp
Join and get latest news updates delivered to you via WhatsApp
ଗତ ୪ ଦିନ ଭିତରେ ଓଡିଶାରେ କ’ଣ ରହିଛି କୋଭିଡ ସ୍ଥିତି ।
ସେପ୍ଟେମ୍ବର ୧୧ – ୩,୯୯୬ ପଜିଟିଭ
ସେପ୍ଟେମ୍ବର ୧୨ – ୩,୭୭୭ ପଜିଟିଭ
ସେପ୍ଟେମ୍ବର ୧୩ – ୩,୯୧୩ ପଜିଟିଭ
ସେପ୍ଟେମ୍ବର ୧୪ – ୪, ୧୯୮ ପଜିଟିଭ
କରୋନାର ଏହି ବଢୁଥିବା ପାରା ବୟାନ କରୁଛି ସଂକ୍ରମଣ ସଂଖ୍ୟା କିପରି ବଢି ବଢି ଚାଲିଛି । ଗତ ୪ଦିନ ଧରି ଏହା ୩ରୁ ୪ହଜାର ମଧ୍ୟରେ ରହୁଥିବା ବେଳେ ଆଜି ୪ ହଜାର ପାର କରିଯାଇଛି । ଯାହାକି ଏ ପର୍ଯ୍ୟନ୍ତ ରାଜ୍ୟରେ ହୋଇଥିବା ସଂକ୍ରମଣ ମଧ୍ୟରେ ସର୍ବକାଳୀନ ରେକର୍ଡ । ଏତେ ସଂଖ୍ୟକ ସଂକ୍ରମିତ ବାହାରିବା ପଛର କାରଣ ହେଉଛି ପରୀକ୍ଷା ସଂଖ୍ୟା ଆଗ ଅପେକ୍ଷା ବଢିବା ।
ଅଗଷ୍ଟ ୧୫- ମୋଟ ସଂକ୍ରମିତ ୫୭, ୧୨୬ ଥିବା ବେଳେ ୨୪୯୬ ଜଣ ପଜିଟିଭ
ଅଗଷ୍ଟ ୨୬- ମୋଟ ସଂକ୍ରମିତ ୮୭,୦୬୨ ଥିବା ବେଳେ ୩୩୭୧ ଜଣ ପଜିଟିଭ
ସେପ୍ଟେମ୍ବର ୧୪- ମୋଟ ସଂକ୍ରମିତ ୧ ଲକ୍ଷ ୫୫ ହଜାର ୫ ଥିବା ବେଳେ ୪,୧୯୮ ଜଣ ପଜିଟିଭ
ଖାଲି ରାଜ୍ୟ କାହିଁକି ଦେଶରେ ଦୈନିକ ସଂକ୍ରମଣ ହାରରେ ପୁଣି ଭାରତର ଅଲୋଡା ରେକର୍ଡ । ମିଳିଥିବା ସୂଚନା ଅନୁସାରେ ପ୍ରତି ଦିନ ସାରା ବିଶ୍ୱରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ପ୍ରତି ୩ଜଣରେ ଜଣେ ଭାରତୀୟ ରହିଛନ୍ତି । ସେପଟେ ଆଜି ସଂସଦରେ ସ୍ୱାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ ତଥ୍ୟ ରଖିଛନ୍ତି, ଭାରତରେ ୯୨ ପ୍ରତିଶତ ହେଉଛି ଏ-ସିମ୍ପଟୋମାଟିକ । ୫.୮ ପ୍ରତିଶତ ଲୋକେ ଅକ୍ସିଜେନ ଥେରାପି ଚାହୁଛନ୍ତି ଏବଂ ୧.୭ ପ୍ରତିଶତ ଲୋକଙ୍କ ଇନଟେନସିଭ କେୟାର ଜରୁରୀ ।
ନଜର ପକାନ୍ତୁ ଆଜି ଭାରତରେ କଣ ରହିଛି କୋଭିଡ ସ୍ଥିତି । ଗତ ୨୪ଘଂଟାରେ ଭାରତରେ ୯୨ହଜାର ୭୧ଟି ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ସାରା ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୪୮ଲକ୍ଷ ଟପିଛି ।