ଉଦୟପୁରରେ ଚାଲିଛି କଂଗ୍ରେସର ଚିନ୍ତନ ଶିବିର । ଚାଲିଛି ବିଚାରବିମର୍ଶ, ହେଉଛି ଆଲୋଚନା ।
କନକ ବ୍ୟୁରୋ: ରାଜସ୍ଥାନ ଉଦୟପୁରରେ ଚାଲିଛି କଂଗ୍ରେସର ଚିନ୍ତନ ଶିବିର । କାର୍ଯ୍ୟକ୍ରମର ୨ୟ ଦିନରେ ୨୦୨୪ ସାଧାରଣ ନିର୍ବାଚନ ଉପରେ ଦଳର ବରିଷ୍ଠ ନେତାମାନଙ୍କ ମଧ୍ୟରେ ଚର୍ଚ୍ଚା ହୋଇଛି । ଏଆଇସିସିର ମହାସଚିବ, ପିସିସି ଅଧ୍ୟକ୍ଷ ଓ କଂଗ୍ରେସ ବିଧାୟକ ଦଳକୁ ନେଇ ବସିଥିବା ଏହି କାର୍ଯ୍ୟକ୍ରମର ନେତୃତ୍ୱ ନେଇଛନ୍ତି ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ । ବୈଠକରେ ଦଳ ବିଭିନ୍ନ ଦିଗ ଉପରେ ବିଚାର ବିର୍ମଶ କରିବା ସହ କିଛି ବଡ ପରିବର୍ତ୍ତନର ଘୋଷଣା କରିବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଚିନ୍ତନ ବୈଠକରେ ୨ୟ ଦିନରେ ବିଜେପି ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ଅର୍ଥମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ପି.ଚିଦାମ୍ବରମ । ଚିଦାମ୍ବରମ କହିଛନ୍ତି ଭାରତରେ ଅର୍ଥ ବ୍ୟବସ୍ଥାର ସ୍ଥିତି ଉଦବେଗଜନକ ରହିଛି ଓ ଆଖି ଦୃଶିଆ ଆର୍ଥିକ ସୁଧାର ହେଉନି । ଏଥିସହ କେନ୍ଦ୍ର ନିକଟରେ ଦାବି ଜଣାଇ କଂଗ୍ରେସ ନେତା କହିଛନ୍ତି କେନ୍ଦ୍ର ସରକାର ଆଉ ୩ବର୍ଷ ପାଇଁ ଜିଏସଟି କ୍ଷତିପୂରଣ ସମୟସୀମା ବୃଦ୍ଧି କରନ୍ତୁ ବୋଲି ସେ କହିଛନ୍ତି ।
ସେପଟେ ଚିନ୍ତନ ବୈଠକ ଭିତରେ କଂଗ୍ରେସକୁ ଲାଗିଛି ବଡ ଝଟକା । ଦଳ ଛାଡିଛନ୍ତି ଦଳର ବରିଷ୍ଠ ନେତା ସୁନୀଲ ଝାକଡ । ଶନିବାର ସକାଳେ ଫେସବୁକ ଲାଇଭ ସେସନ କରି ନିଜର ନିଷ୍ପତି ଜଣାଇଛନ୍ତି । ଟୁଇଟରରେ ଗୁଡଲକ ଆଣ୍ଡ ଗୁଡବାୟ କଂଗ୍ରେସ କହି ଦଳ ଛାଡିଥିବା ସେ ସୂଚନା ଦେଇଛନ୍ତି । ଦଳ ଛାଡିବା ସହ ଝାକଡ କହିଛନ୍ତି କଂଗ୍ରେସ ଚିନ୍ତର ଶିବିର ବଦଳରେ ଏକ ଚିନ୍ତା ଶିବିର କରିବା ଉଚିତ । ଦୀର୍ଘ ଦିନ ଧରି ଦଳର ବରିଷ୍ଠ ନେତା ଭାବେ ଦାୟିତ୍ୱ ତୁଳାଉଥିବା ଝାକଡ ହଠାତ ଗ୍ରହଣ କରିଥିବା ଏହି ନିଷ୍ପତି କଂଗ୍ରେସ ଉପରେ ବଡ ପ୍ରଭାବ ପକାଇପାରେ ବୋଲି ଚର୍ଚ୍ଚା ହେଉଛି ।
ଗୋଟେ ପଟେ ଦଳକୁ ମଜବୁତ କରିବା ପାଇଁ ଦଳ ମୁଖିଆ ନେତାଙ୍କ ପରାର୍ମଶ ଓ ବାର୍ତା ଦେଉଛନ୍ତି ସେପଟେ ଅସନ୍ତୋଷ ପ୍ରକାଶ କରି ହାତ ଛାଡୁଛନ୍ତି ନେତା । ଏହା ଭିତରେ ଦଳକୁ ଏକାଠି ନେଇ ଆଗାମୀ ନିର୍ବାଚନ ପାଇଁ ସୋନିଆଙ୍କ ରଣନୀତି କଣ ରହିବ ତା ଉପରେ ନଜର…