ବିଲ ନଦେବାରୁ କଲେଜରେ ବିଦ୍ୟୁତ ସଂଯୋଗ ବିଚ୍ଛିନ୍ନ କଲା କମ୍ପାନୀ । ଖଲ୍ଲିକୋଟ୍ କଲେଜ ବାକି ରଖିଛି ୫ଲକ୍ଷରୁ ଅଧିକ ଟଙ୍କାର ବିଲ୍ ।
କନକ ବ୍ୟୁରୋ: ବିଦ୍ୟୁତ ବିଲ ନଦେବାରୁ କଲେଜରେ ହେଲା ବିଦ୍ୟୁତ କାଟ । ଖବର ସଂଗ୍ରହ ପାଇଁ ଗଣମାଧ୍ୟମ ପ୍ରତିନିଧି ପହଂଚିବା ପୂର୍ବରୁ କଲେଜକୁ ଆସି ଯାଇଥିଲା ବିଦ୍ୟୁତ । ବ୍ରହ୍ମପୁର ଖଲ୍ଲିକୋଟ୍ ସ୍ଥିତ ସ୍ୱଂୟ ଶାସିତ ମହାବିଦ୍ୟାଳୟରେ ଦେଖିବାକୁ ମିଳିଛି ଏପରି ଘଟଣା କଲେଜରେ ଗତକାଲି ଠାରୁ ବିଦ୍ୟୁତ କାଟ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କଲେଜରେ ୫ଲକ୍ଷରୁ ଅଧିକ ଟଙ୍କା ବାକି ରହିଥିବା ବେଳେ ଟାଟା ପକ୍ଷରୁ ବିଦ୍ୟୁତ କାଟ କରାଯାଇଥିବା ସୂଚନା ରହିଛି । ବିଦ୍ୟୁତ କାଟ ଦ୍ୱାରା ଅନେକ ସମସ୍ୟା ସୃଷ୍ଟି ହୋଇଛି । ଅନଲାଇନ କ୍ଲାସ ହୋଇପାରୁନଥିବା ବେଳେ ଅନେକ କାମରେ ବାଧା ସୃଷ୍ଟି ହେଉଛି । ଖବର ସଂଗ୍ରହ ପାଇଁ ଗଣମାଧ୍ୟମ ପ୍ରତିନିଧି କଲେଜରେ ପହଂଚିବା ପରେ ଦିନ ୧୧ଟାରେ କଲେଜ ବିଦ୍ୟୁତ ଯୋଗାଇ ଦିଆଯାଇଥିବା ସୂଚନା ରହିଛି ।