ଭାଇରାଲ ଅଡିଓ ଖୋଲିଦେଲା ଗୁମର: ଏମସିଏଲ ଖଣି ବିସ୍ଥାପିତଙ୍କୁ କ୍ଷତିପୂରଣ ପାଇଁ ଦେବାକୁ ପଡ଼ୁଛି କମିଶନ
କନକ ବ୍ୟୁରୋ: ସୁନ୍ଦରଗଡରେ ଏମସିଏଲ ଖଣି ସଂପ୍ରସାରଣ ପାଇଁ ହେଉଥିବା ଜମି ଅଧିଗ୍ରହଣ ବେଳେ ବଡଧରଣ ଦୁର୍ନୀତି ଚାଲିଥିବା ଜଣାପଡିଛି । ବିସ୍ଥାପିତଙ୍କୁ ସେମାନଙ୍କ ହକର ଟଙ୍କା ଦେଲାବେଳେ ଲାଂଚ ଦାବି କରୁଛନ୍ତି ସରକାରୀ ଅଧିକାରୀ । ଏ ସଂପର୍କିତ କେତେକ ଭାଇରାଲ ଅଡିଓ ଖୋଲି ଦେଇଛି ସବୁ ଗୁମର । କ୍ଷତିପୂରଣ ଟଙ୍କା ପ୍ରଦାନ ପାଇଁ ମୂଚାଲର ଅଡିଓ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ଲେଫ୍ରିପଡାର ଜଣେ ବିସ୍ଥାପିତ ଭାଷ୍କର ବଢେଇଙ୍କ ସହ ଏମସିଏଲ ଆରଆଇ ଅମୀୟ ଛୁରାଙ୍କ କଥାବାର୍ତାର ଅଡିଓ ପଦାକୁ ଆସିଛି । ନିଜର ୩ ଏକର ୨୪ ଡେସିମିଲ ଜମି ପାଇଁ ତାଙ୍କୁ କ୍ଷତିପୂରଣ ବାବଦକୁ ପ୍ରାୟ ୯୫ ଲକ୍ଷ ଟଙ୍କା ମିଳିବାର ଅଛି । ହେଲେ ତାଙ୍କ ପ୍ରାପ୍ୟ ପାଇବା ପାଇଁ ବି ୨ ପ୍ରତିଶତ କମିଶନ ଦାବି କରୁଛନ୍ତି ସରକାରୀ ଆରଆଇ ।