କନକ ବ୍ୟୁରୋ: ଏପ୍ରିଲ ଶେଷ ଆଡ଼କୁ ପ୍ରଚାର ମଇଦାନକୁ ଓହ୍ଲାଇ ପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୦୧୯ପରି ସ୍ୱତନ୍ତ୍ର ବସରେ ଲୋକଙ୍କ ନିକଟକୁ ଯାଇ ପ୍ରଚାର କରିପାରନ୍ତି ନବୀନ ପଟ୍ଟନାୟକ । ପ୍ରଥମ ପର୍ଯ୍ୟାୟରେ ଭୋଟ୍ ପଡ଼ିବାକୁ ଥିବା କଳାହାଣ୍ଡି, କୋରାପୁଟ, ନବରଙ୍ଗପୁର ଓ ବ୍ରହ୍ମପୁର ସଂସଦୀୟ କ୍ଷେତ୍ରରେ ନିର୍ବାଚନ ପ୍ରଚାର କରିବେ ନବୀନ । ଏପ୍ରିଲ ଶେଷ ସପ୍ତାହ ବେଳକୁ ଏହି ସଂସଦୀୟ କ୍ଷେତ୍ର ଏବଂ ଏହା ଅଧିନରେ ଥିବା ୨୮ଟି ବିଧାନସଭା ଆସନ ପାଇଁ ମୁଖ୍ୟମନ୍ତ୍ରୀ ପ୍ରଚାର କରିବେ ବୋଲି ଚର୍ଚ୍ଚା ହେଉଛି । ୨୦୧୯ରେ ମୁଖ୍ୟମନ୍ତ୍ରୀଙ୍କ ପ୍ରଚାର ପାଇଁ ପ୍ରସ୍ତୁତ ହୋଇଥିଲା ସ୍ୱତନ୍ତ୍ର ବସ । ଯେଉଁଥିରେ ବସି ରୋଡ ସୋ କରିଥିଲେ ନବୀନ । ଏହି ବସରେ କାର୍ ଭଳି ସନରୁଫ୍ ରହିଥିଲା । ଚଳିତ ନିର୍ବାଚନରେ ମଧ୍ୟ ମୁଖ୍ୟମନ୍ତ୍ରୀ ସମାନ ଢଙ୍ଗରେ ପ୍ରଚାର ମୈଦାନକୁ ଓହ୍ଲାଇବେ ବୋଲି ଚର୍ଚ୍ଚା ହେଉଛି ।
ଏପ୍ରିଲ ଶେଷ ଆଡ଼କୁ ନିର୍ବାଚନ ପ୍ରଚାରକୁ ଓହ୍ଳାଇପାରନ୍ତି ମୁଖ୍ୟମନ୍ତ୍ରୀ: ୨୦୧୯ପରି ସ୍ୱତନ୍ତ୍ର ବସରେ ବୁଲିବେ ନବୀନ ପଟ୍ଟନାୟକ
![ଏପ୍ରିଲ ଶେଷ ଆଡ଼କୁ ନିର୍ବାଚନ ପ୍ରଚାରକୁ ଓହ୍ଳାଇପାରନ୍ତି ମୁଖ୍ୟମନ୍ତ୍ରୀ: ୨୦୧୯ପରି ସ୍ୱତନ୍ତ୍ର ବସରେ ବୁଲିବେ ନବୀନ ପଟ୍ଟନାୟକ](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2024/04/90092_12_10_2023_18_57_45_1_NAVEEN_PATNAIK_INAGURATES_LAXMI_BUS_9.jpg)