ପ୍ରଥମ ଦଫାରେ ୫୦ ଲକ୍ଷ କରୋନା ଟିକା ପାଇବାକୁ ଯୋଜନା କରୁଛନ୍ତି କେନ୍ଦ୍ର ସରକାର । ସେପଟେ ଭାରତ ସହ ମିଶି ଟିକା ଉତ୍ପାଦନ ପାଇଁ ଆଗ୍ରହ ପ୍ରକାଶ କଲା ରୁଷ୍
କନକ ବ୍ୟୁରୋ : ଭାରତ ସହ ମିଶି ଟିକା ଉତ୍ପାଦନ କରିବାକୁ ଚାହୁଁଛି ରୁଷ୍ । ବିଶ୍ୱର ପ୍ରଥମ କରାନା ଟିକା ‘ସ୍ପୁଟନିକ –ଭି’ ବାହାର କରିଥିବା ଆଗରୁ ଦାବି କରି ସାରିଛି ରୁଷ । ଏବେ ରୁଷ୍ ଚାହୁଁଛି ଭାରତ ସହ ମିଶି ଏହାର ଉତ୍ପାଦନ ବଢ଼ାଇବାକୁ । ଟିକା ପ୍ରସ୍ତୁତି ପ୍ରକିୟାରେ ସାମିଲ ଥିବା ଆରଡିଆଏଫ ସଂଗଠନର ବରିଷ୍ଠ ଅଧିକାରୀ କହିଛନ୍ତି ଯେ, ଟିକାର ଉତ୍ପାଦନ ଏକ ବଡ଼ ପ୍ରସଙ୍ଗ । ଆଉ ଏନେଇ ଭାରତ ସହ ମିଶି ‘ସ୍ପୁଟନିକ –ଭି’ ଟିକା ଉତ୍ପାଦନ କରିବାକୁ ଚାହୁଁଛୁ ।
Kanak News is now on WhatsApp
Join and get latest news updates delivered to you via WhatsApp
ଭାରତରେ ବ୍ୟାପକ ପରିମାଣରେ ଟିକା ଉତ୍ପାଦନ ସମ୍ଭବ ହେବ, ଯାହା ଆବଶ୍ୟକତାକୁ ପୂରଣ କରିପାରିବ ବୋଲି ସେ କହିଛନ୍ତି । ଏହାସହ ଭାରତରେ ଟିକାର ଶେଷ ପର୍ଯ୍ୟାୟ ପରୀକ୍ଷା କରିବାକୁ ଚାହୁଁଛି ସଂସ୍ଥା । ପୂର୍ବରୁ ବିଶ୍ୱର ପ୍ରଥମ କରୋନା ଟିକା ବାହାର କରିଥିବା ରୁଷ ଦାବି କରିଥିଲା । ଏନେଇ ବିଧିବଦ୍ଧ ଘୋଷଣା ମଧ୍ୟ କରିଥିଲେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ । ଏପରିକି ପୁଟିିନଙ୍କ ଝିଅକୁ କରୋନାର ପ୍ରଥମ ଟିକା ଦିଆଯାଇଥିଲା । ଋଷର ପ୍ରତିରକ୍ଷା ମନ୍ତ୍ରଣାଳୟ ଓ ଗାମାଲିଆ ନ୍ୟାସନାଲ ସେଂଟର ମିଳିତ ଭାବେ ‘ସ୍ପୁଟନିକ ଭି’କୁ ପ୍ରସ୍ତୁତ କରିଛନ୍ତି ।
ଏହାର କ୍ଲିନିକାଲ ଟ୍ରାଏଲ ଶହେପ୍ରତିଶତ ସଫଳ ହୋଇଥିବା ରୁଷ ସରକାର ଦାବି କରିଥିଲେ । କ୍ଲିନିକାଲ ଟ୍ରାଏଲ ୧୮ ଜୁନରେ ଆରମ୍ଭ ହୋଇଥିଲା । ତେବେ ଋଷ ଟୀକାର ଫାଇନାଲ ଟ୍ରାଏଲ ଏବେ ବି ବାକି ଅଛି । ଋଷ କମ୍ପାନୀ ରିଷ୍ଟେମା କହିଛି, ଚଳିତବର୍ଷ ଶେଷସୁଦ୍ଧା ଟୀକାର ବହୁଳ ଉତ୍ପାଦନ ଆରମ୍ଭ ହେବ । ଏବେ ବିଶ୍ୱର ୧୬୫ଟି ଦେଶ କିମ୍ବା ସଂସ୍ଥା କରୋନା ଟିକା ପ୍ରସ୍ତୁତିରେ ଲାଗିଛନ୍ତି । ଭାରତରେ ସମ୍ଭାବ୍ୟ କରୋନା ଟିକା “କୋଭାକ୍ସିନ’ର ପରୀକ୍ଷଣ ମଧ୍ୟ ଚାଲୁ ରହିଛି ।