ବାଇକ୍ ଚାଳକଙ୍କ ପାଇଁ ବଡ଼ ଖବର । ନୂଆ ଗାଇଡଲାଇନ୍ ଜାରି କଲେ କେନ୍ଦ୍ର ସରକାର । ନିୟମ ନମାନିଲେ ନିଆଯିବ କଡା କାର୍ଯ୍ୟାନୁଷ୍ଠାନ, ଆପଣ ଗଣିବେ ମୋଟା ଅଙ୍କର ଜୋରିମାନା
କନକ ବ୍ୟୁରୋ : ବାଇକ ଚାଳକଙ୍କ ପାଇଁ ବଡ ଖବର । ଦୁର୍ଘଟଣାକୁ ରୋକିବା ପାଇଁ କେନ୍ଦ୍ର ସରକାର ଅନେକ ନୂଆ ନିୟମ ଆଣିଛନ୍ତି , ଯାହାଦ୍ୱାରା ଦୁର୍ଘଟଣା କମିବ ବୋଲି ସରକାର ଆଶା ରଖିଛନ୍ତି । ଯଦି ଆପଣ ସରକାରଙ୍କର ଏହି ନିୟମକୁ କାର୍ଯ୍ୟକାରୀ କରିପାରୁନାହାନ୍ତି ତେବେ ନିଶ୍ଚିତ ଭାବରେ ଜୋରିମାନା ଦେବେ । ତେବେ ଜାଣିରଖନ୍ତୁ ବାଇକ ଆରୋହୀଙ୍କ ପାଇଁ କି ନିୟମ କରିଛନ୍ତି ସରକାର …
ଯେତେବେଳେ ଆପଣ ବାଇକ ଚଳାଉଛନ୍ତି ସେତେବେଳେ ନିଶ୍ଚିତ ଭାବରେ ଧ୍ୟାନ ଦିଅନ୍ତୁ ଯେପରି ୨ରୁ ଅଧିକ ଲୋକ ଆପଣଙ୍କ ଗାଡି ନବସନ୍ତି । ଯଦି ଆପଣ ସରକାରଙ୍କ ଏହି ନିୟମ ମାନୁନାହାନ୍ତି ତେବେ ଆପଣଙ୍କଠାରୁ ଜୋରିମାନା ଆଦାୟ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ବାଇକ ଆରୋହୀଙ୍କ ପାଇଁ ଆସିଲା ନୂଆ ଗାଇଡଲାଇନ
ନିୟମ ନମାନିଲେ ଦେବେ ଫାଇନ୍
ସିଟର ଉଭୟ ପାଶ୍ୱର୍ରେ ହ୍ୟାଣ୍ଡେଲ ରହିବା ବାଧ୍ୟତାମୂଳକ
କେବଳ ଜନତାଙ୍କ ସୁରକ୍ଷାକୁ ଦୃଷ୍ଟିରେ ରଖି ସରକାର ପୁଣି ଏକ ନୂଆ ନିୟମ କରିଛନ୍ତି । ଏହି ନିୟମ ଅନୁସାରେ, ବାଇକ ପଛରେ ବସିଥିବା ଲୋକଙ୍କର ଉଭୟ ପାଶ୍ୱର୍ରେ ହ୍ୟାଣ୍ଡେଲ ରହିବା ନିହାତି ଦରକାର । କେବଳ ଏତିକି ନୁହେଁ ବରଂ ପଛରେ ବସିଥିବା ଲୋକଙ୍କ ପାଇଁ ଫୁଡ ଷ୍ଟାଣ୍ଡ ରହିବା ମଧ୍ୟ ବାଧ୍ୟତାମୂଳକ ବୋଲି କୁହାଯାଉଛି । ଏହାସହ ବାଇକର ପଛ ଚକର ଅଧାଅଂଶ ପୂରାପୂରି ଆଚ୍ଛାଦିତ ହୋଇ ରହିବ ଯାହାଦ୍ୱାରା କି ପଛରେ ବସିଥିବା ମହିଳାଙ୍କର କପଡା ଚକରେ ପସିବା ନେଇ ବି କୌଣସି ଭୟ ନଥିବ ।
ଗାଡିରେ ମାଲ ଥିଲେ ବସିବେନି ଆଉ କେହି
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ, ବାଇକରେ ଗାଡିରେ ହାଲକ କଂଟେନଟ ରହିବା ଦରକାର । କଂଟେନଟର ଲଂବ ୫୫୦ ମିମି ମୋଟେଇ ୫୧୦ ମିମି ଓ ଉଚ୍ଚତା ୫୦୦ ମିମିରୁ କୌଣସି ପରିସ୍ଥିତିରେ ଅଧିକ ହେବ ନାହିଁ । ଏହାସହ ଯଦି ଡ୍ରାଇଭରଙ୍କ ପଛରେ କଂଟେନଟ ରଖାଯାଏ ତେବେ ଗାଡିରେ କେବଳ ଡ୍ରାଇଭରଙ୍କ ସହ ଅନ୍ୟ କେହି ବସିପାରିବେ ନାହିଁ । ମାତ୍ର କଂଟେନଟ ଯଦି ଗାଡିର ପୂରା ପଛରେ ରଖାଯାଏ ତେବେ ଡ୍ରାଇଭରଙ୍କ ସହ ଅନ୍ୟ ଜଣେ ବସିପାରିବେ ।
୩.୫ ଟନ ରହିବ ଟାୟାର ଓଜନ !
ଏହାସହ ଟାୟାରର ଓଜନ ସର୍ବାଧିକ ୩.୫ ଟନ ପର୍ଯ୍ୟନ୍ତ ରହିବା ଲାଗି ଟାୟାର ମନିଟରିଂ ସିଷ୍ଟମକୁ ପରାମର୍ଶ ଦିଆଯାଇଛି । ଏହି ସିଷ୍ଟମରେ ଡ୍ରାଇଭରମାନେ ଜାଣିପାରିବେ ଟାୟାରରେ ପବନର ସ୍ଥିତି କଣ ରହିଛି ? ଏହା ଜାଣିବା ପରେ ସେମାନେ ଗାଡିର ବେଗ କେତେ ରଖିବେ ତାହା ନିିର୍ଣ୍ଣୟ କରିପାରିବେ । ତେବେ ଯଦି ଆପଣ ଏହିସବୁ ନିୟମ ନମାନନ୍ତି ତେବେ ଆପଣଙ୍କଠାରୁ ସରକାର ନିଶ୍ଚିତ ଭାବରେ ଜୋରିମାନା ଆଦାୟ କରିବେ ।