କନକ ବ୍ୟୁରୋ: ସାରା ଦେଶର ନଜର ଏବେ ସାଧାରଣ ବଜେଟ ଉପରେ । କାରଣ ଏହି ବଜେଟ ହିଁ ଆଗାମା ବର୍ଷକ ପାଇଁ ଜନତାଙ୍କ ପକେଟ ଉପରେ ପ୍ରଭାବ ପକାଇବ । କଣ ବଢିବ କଣ କମିବ? ସବୁବର୍ଗର ଜନତାଙ୍କ ଉପରେ କେତେକଣ ପ୍ରଭାବ ପଡିବ ସବୁ ଏହି ବଜେଟ ଉପରେ ହିଁ ନିର୍ଭର କରୁଛି । ଫେବୃଆରୀ ୧ରେ ସରକାର ବଜେଟ ଉପସ୍ଥାପନ କରିବେ । ଏହା ପୂର୍ବରୁ ଆଜି ସଂସଦ ବଜେଟ ଅଧିବେଶନ ଆରମ୍ଭ ହୋଇଛି । ଗୃହରେ ଆର୍ଥିକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ
Kanak News is now on WhatsApp
Join and get latest news updates delivered to you via WhatsApp
କିଛି ଘଣ୍ଟା ପରେ ସଂସଦରେ ଉପସ୍ଥାପନ ହେବ ବଜେଟ । ନିର୍ବାଚନ ବର୍ଷ ହୋଇଥିବାରୁ ସାରା ଦେଶର ନଜର ବଜେଟ ଉପରେ ରହିଛି । ଟିକସଦାତାଙ୍କଠୁ ଆରମ୍ଭ କରି ଦେଶର ଛୋଟବଡ ବ୍ୟବସାୟୀ, ସାଧାରଣ ଜନତା ଆଶାବାଦୀ ରହିଛନ୍ତି । ବଜେଟ ବକ୍ସ ଖୋଲାଯିବା ପରେ କାହାକୁ ଆଶ୍ୱସ୍ତି ମିଳିବ କାହାର ଚିନ୍ତା ବଢିବ ଏହା କିଛି ଘଣ୍ଟା ମଧ୍ୟରେ ସ୍ପଷ୍ଟ ହୋଇଯିବ । ଚର୍ଚ୍ଚା ହେଉଛି କି କରୋନା ମହାମାରୀ ପରେ ସରକାରଙ୍କ ଏହି ପୂର୍ଣ୍ଣାଙ୍ଗ ବଜେଟ ବେଶ ଗୁରୁତ୍ୱ ବହନ କରୁଛି ।
କଣ ରହିବ କେନ୍ଦ୍ରୀୟ ବଜେଟର ରୂପରେଖ?
- ନିର୍ବାଚନ ପୂର୍ବରୁ ପୂର୍ଣ୍ଣାଙ୍ଗ ବଜେଟ ଉପରେ ଅନେକ ଆଶା ରହିଛି
- ମୋଟ ବଜେଟର ପରିମାଣ ପୂର୍ବ ବର୍ଷ ତୁଳନାରେ କେତେ ରହିବ?
- କେଉଁ କ୍ଷେତ୍ରକୁ ଅଧିକ ଫୋକସ କରିବେ ସରକାର?
- ଦରଦାମ ହ୍ରାସ ପାଇଁ ପଦକ୍ଷେପ ନେଇପାରନ୍ତି
- ଆୟ ଉପରେ ମିଳିପାରେ ଟିକସ ରିହାତି
- ଯୁବ ଗୋଷ୍ଠୀଙ୍କୁ ଅଧିକ ନିଯୁକ୍ତି ସମ୍ଭାବନା
- ବୟସ୍କଙ୍କୁ ଲାଗି ସାମାଜିକ ସୁରକ୍ଷା ସ୍କିମ୍ ଆସିପାରେ
- ସଂଚୟ ଆକାଉଂଟରୁ ସୁଧ ଉପରେ ଟିକସ ଛାଡ ହୋଇପାରେ
- ଗୃହ ଋଣରେ ରିହାତି ମିଳିପାରେ
- ମୁଦ୍ରାସ୍ପୀତି ଉପରେ ଫୋକସ ସମ୍ଭାବନା
- ସ୍ୱାସ୍ଥ୍ୟ ବୀମା କ୍ଷେତ୍ରରେ ପରିବର୍ତନ ହୋଇପାରେ
ବଜେଟ ଆସିବା ପୂର୍ବରୁ ଆଜିଠୁ ସଂସଦ ବଜେଟ ଅଧିବେଶନ ଆରମ୍ଭ ହୋଇଛି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୃହରେ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି । ପୂର୍ଣ୍ଣାଙ୍ଗ ବଜେଟ ପୂର୍ବରୁ ସର୍ଭେ ରିପୋର୍ଟକୁ ଉପସ୍ଥାପନ କରାଯାଇଛି । ୨୦୨୩-୨୪ ଆର୍ଥିକ ବର୍ଷରେ ଜିଡିପି ଅଭିବୃଦ୍ଧି ୬.୫ ପ୍ରତିଶତ ରହିବା ନେଇ ଆକଳନ କରାଯାଇଛି ।
ଜନତାଙ୍କ ଆଶା ଓ ଆକାଂକ୍ଷା ପୂରଣ ପାଇଁ କେନ୍ଦ୍ର ସରକାର ସବୁ ଦିଗ ଉପରେ ଫୋକସ କରିବେ ବୋଲି ଅର୍ଥନୀତି ବିଶେଷଜ୍ଞ ଆଶା ବ୍ୟକ୍ତ କରିଛନ୍ତି । ୨୦୨୪ ନିର୍ବାଚନ ପୂର୍ବରୁ ଏହା ଶେଷ ପୂର୍ଣ୍ଣାଙ୍ଗ ବଜେଟ ହେବାକୁ ଯାଉଛି । ତେଣୁ ସରକାର ସବୁବର୍ଗଙ୍କୁ ସନ୍ତୁଷ୍ଟ କରିବା ଏହି ବଜେଟ ଆଣି ପାରନ୍ତି ।