ସରିଲା ପ୍ରଚାର, କାଲି ପଡିବ ଭୋଟ : ବିହାରରେ ଶେଷ ପର୍ଯ୍ୟାୟରେ ୭୮ ଆସନ ପାଇଁ ହେବ ମତଦାନ
ପ୍ରଚାର ଶେଷ ଦିନରେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଭାଷଣକୁ ନେଇ ଚର୍ଚ୍ଚା ; କହିଲେ, ଲଢୁଛି ଜୀବନର ଶେଷ ନିର୍ବାଚନ
କନକ ବ୍ୟୁରୋ : ଆସନ୍ତା ୭ ତାରିଖରେ ବିହାରରେ ତୃତୀୟ ତଥା ଶେଷ ପର୍ଯ୍ୟାୟ ବିଧାନସଭା ନିର୍ବାଚନ ଅନୁଷ୍ଠିତ ହେବ । ତୃତୀୟ ପର୍ଯ୍ୟାୟ ମତଦାନ ପାଇଁ ଗତକାଲି ସଂଧ୍ୟାରେ ପ୍ରଚାର ଶେଷ ହୋଇଛି । ଏହି ପର୍ଯ୍ୟାୟରେ ୭୮ଟି ଆସନ ପାଇଁ ଭୋଟ ଗ୍ରହଣ ହେବ । ଏଥିରେ ୧୨ଶହ ପ୍ରାର୍ଥୀଙ୍କ ଭାଗ୍ୟ ନିର୍ଧାରଣ ହେବ ଏବଂ ଏଥିରେ ପ୍ରାୟ ୨ କୋଟି ୩୫ଲକ୍ଷ ଭୋଟର ସାମିଲ ହେବେ ।
Kanak News is now on WhatsApp
Join and get latest news updates delivered to you via WhatsApp
ତୃତୀୟ ପର୍ଯ୍ୟାୟ ପାଇଁ ପ୍ରଧାନମନ୍ତ୍ରୀ ମୋଦି ମଧ୍ୟ ପ୍ରଚାର କରିଥିବା ବେଳେ ମୁଖ୍ୟମନ୍ତ୍ରୀ ନୀତିଶ କୁମାର ପ୍ରଚାର ବେଳେ ଏହା ତାଙ୍କ ଜୀବନର ଶେଷ ନିର୍ବାଚନ ବୋଲି ସେ ଘୋଷଣା କରିଥିଲେ । ଶେଷ ସୁଯୋଗ ଭାବେ ଜେଡିୟୁ-ବିଜେପି ମେଂଟକୁ ଭୋଟ ଦେବାକୁ ଅନୁରୋଧ କରିଛନ୍ତି ନୀତିଶ । ଏହାକୁ ନେଇ ଏବେ ଚର୍ଚା ଜୋରଦାର ହେଉଛି ।