ଟାୟାର ଫାଟି ରାସ୍ତା କଡକୁ ଖସିପଡିଲା ବସ୍ । ୨ ଯାତ୍ରୀ ଗୁରୁତର, ୧୦ରୁ ଅଧିକ ଆହତ ।

କନକ ବ୍ୟୁରୋ: ଟାୟାର ଫାଟିବାରୁ ଦୁର୍ଘଟଣାଗ୍ରସ୍ତ ହେଲା ସରକାରୀ ବସ୍ । ବରଗଡ଼ରୁ ନବରଙ୍ଗପୁର ଯାଉଥିବା ବେଳେ ଅଧାବାଟରେ ଫାଟିଲା ବସ୍ ଟାୟାର । ଭାରସାମ୍ୟ ହରାଇ ବିଲ ଭିତରେ ପଶିଗଲା ବସ୍ । ଦୁର୍ଘଟଣାରେ ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଆହତ ସମସ୍ତଙ୍କୁ ଡୁଙ୍ଗୁରିପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଛନ୍ତି । ଗୁରୁତର ଆହତ ହୋଇଥିବା ୨ଜଣଙ୍କୁ ବଲାଙ୍ଗୀର ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଆହତଙ୍କ ଅବସ୍ଥା ଠିକ୍ ଥିବା ସୂଚନା ଦେଇଛନ୍ତି ଡାକ୍ତର ।