କୁଆଖାଇ ନଈବାଲିରୁ ମିଳିଲା ଯୁବକଙ୍କ ମୃତଦେହ । ହତ୍ୟା କରି ବାଲି ଭିତରେ ପୋତି ଦେଇଥିବା ସନ୍ଦେହ । ଏଯାଏ ସ୍ପଷ୍ଟ ହୋଇନି ପରିଚୟ
କନକ ବ୍ୟୁରୋ: ନଦୀବାଲିରେ ମୃତଦେହ । ବୁଧବାର ଭୁବନେଶ୍ୱର କୁଆଖାଇ ନଦୀପଠାରେ ମୃତଦେହ ପୋତିହୋଇଥିବା ଖବର ମିଳିବା ପରେ ଚାଂଚଲ୍ୟ ଖେଳିଯାଇଥିଲା । ରାତିସାରା ସଂପୃକ୍ତ ସ୍ଥାନକୁ ଜଗିରହିବା ପରେ ସକାଳେ ମୃତଦେହକୁ ଖୋଳାଯାଇ ଉଦ୍ଧାର କରାଯାଇଥିଲା । ଆଉ ଏହି ମୃତଦେହ ଜଣେ ଯୁବକର ଥିଲା । ଦେହରେ କିଛି କ୍ଷତି ହୋଇନଥିବାବେଳେ ମହୁଁ ନଷ୍ଟ ହୋଇଯାଇଥିଲା । ମୃତ୍ୟର ରହସ୍ୟ ଜାଣିବାକୁ ମୃତଦେହକୁ ପୋଷ୍ଟମର୍ଟମ ପାଇଁ ଏମ୍ସକୁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୁଆଖାଇ ନଦୀପଠାରୁ ମିଳିଥିବା ମୃତଦେହ କାହାର? ଏହାଏକ ହତ୍ୟା ଘଟଣା ନା ଆଉ କିଛି? ନଇବାଲି ଭିତରେ ମୃତଦେହକୁ କାହିଁକି ଲୁଚାଯାଇଥିଲା? ଏହି ଯୁବକ ସ୍ଥାନୀୟ ଅଚଂଳର ନା ବାହାର ସ୍ଥାନର? ଏସବୁ ପ୍ରଶ୍ନର ଉତର ଖୋଜୁଛି ପୁଲିସ । ପ୍ରଥମ ଥର ଲାଗି ୩-ଡି ଲେଜର ସ୍କାନରରେ ଭିଡିଓ କରିଛି ଫରେନସିକ ଟିମ୍ । ଅର୍ଥାତ ୩୬୦ ଡିଗ୍ରୀରେ ସ୍ଥାନୀୟ ପାରିପାର୍ଶର୍ି୍ୱକ ସ୍ଥିତିର ୩-ଡି ଚିତ୍ର ରେକର୍ଡ ହେବ । ମୃତକଙ୍କ ପରିଚୟ ପାଇଁ ସବୁ ଥାନାର ମିଶିଙ୍ଗ ରିପୋର୍ଟକୁ ଯାଂଚ କରାଯାଉଛି ।
ମୃତକଙ୍କ ବୟସ ପାଖାପଖି ୨୫ରୁ ୩୦ ବର୍ଷ ହେବ । ତାକୁ ହତ୍ୟା କରାଯାଇଥାଇପାରେ ବୋଲି ଅନୁମାନ କରାଯାଉଛି । ମୃତକଙ୍କ ପରିଚୟ ପାଇବା ପାଇଁ କମିଶନରେଟ ପୁଲିସ ପୋଷ୍ଟର ବି ମାରିବ ବୋଲି ଜଣାପଡିଛିା