କନକ ବ୍ୟୁରୋ : ନିଖୋଜ ଯୁବକଙ୍କ ଶବ କୁଅରୁ ଉଦ୍ଧାର ପରେ ତାତିଲେ ଗ୍ରାମବାସୀ । ହତ୍ୟା ଅଭିଯୋଗ ଆଣି ପ୍ରତିବାଦରେ କାମାକ୍ଷାନଗର ବାଇସିଂଗା ଠାରେ ୫୩ ନଂବର ଜାତୀୟ ରାଜପଥରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି ଶତାଧିକ ଗ୍ରାମବାସୀ । ଢ଼େଙ୍କାନାଳ ଜିଲ୍ଲା କାମାକ୍ଷାନଗର ଥାନା ବାଲିଗୋରଡ଼ ପଂଚାୟତ ତାଳଗୋରଡ଼ ଗ୍ରାମର ଅଦୈତ ନାୟକ ନାମକ ଜଣେ ଯୁବକଙ୍କ ମୃତଦେହ ଗତକାଲି ଅପରାହ୍ନରେ ରାସ୍ତା କଡର ଏକ କୁଅରୁ ଦମକଳ ବାହୀନି ଉଦ୍ଧାର କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଟେଂଟ ହାଉସରେ ଶ୍ରମିକ ଭାବେ କାମ କରୁଥିବା ଅଦୈତଙ୍କ ମୃତ୍ୟୁ କେମିତି ହେଲା ଏହାକୁ ନେଇ ପ୍ରଶ୍ନ ଉଠିଛି । ପୋଲିସ୍ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି । ଏପଟେ ହତ୍ୟା ଅଭିଯୋଗ ଆଣିିଛନ୍ତି ଗ୍ରାମବାସୀ । ରାସ୍ତା ରୋକ୍ ଫଳରେ କାମାକ୍ଷାନଗରରୁ ଭୁବନ ରୁଟରେ ଜାତୀୟ ରାଜପଥରେ ଦୀର୍ଘ ଘଂଟା ଗାଡି ଚଳାଚଳ ବ୍ୟାହତ ହୋଇଛି । ଲୋକଙ୍କୁ ବୁଝାସୁଝା କରି ରାସ୍ତା ରୋକ୍ ପ୍ରତ୍ୟାହାର ଉଦ୍ୟମ କରୁଛି ପୋଲିସ ।