ଆସନ୍ତା ନିର୍ବାଚନ ପାଇଁ ସରଗରମ ରାଜନୀତି । ବିଜେପି ଫୋକସରେ ପୂର୍ବାଞ୍ଚଳ । ଆସାମ ଓ ପଶ୍ଚିମବଙ୍ଗ ଦଖଲ ପାଇଁ ଦଳ କରୁଛି ପ୍ରସ୍ତୁତି ।
କନକ ବ୍ୟୁରୋ: ୪ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଂଚଳ ପାଇଁ ତାରିଖ ଘୋଷଣା ହେବା ପରେ ଏବେ ସରଗରମ ରାଜନୀତି । ଏବେ ବିଜେପିର ଫୋକସରେ ରହିଛି ପୂର୍ବାଂଚଳ । ନିର୍ବାଚନ ହେବାକୁ ଥିବା ୫ଟି ରାଜ୍ୟ ଭିତରୁ କେବଳ ଆସାମରେ ବିଜେପିର ସରକାର ଅଛି । ତେଣୁ ଏହି ନିର୍ବାଚନ ବିଜେପି ପାଇଁ ଯେତିକି ସମ୍ମାନର ପ୍ରଶ୍ନ ନୁହେଁ, ସେତିକି ଗଡ ଜିିତିବାର ଆହ୍ୱାନ । ସେପଟେ ଦିଦିଙ୍କ ଗଡରେ ଧସେଇ ପଶିବାକୁ ବିଜେପି ସବୁ ତାର ବଳ ଲଗାଇ ଦେଇଥିବା ବେଳେ ଆସାମରେ ପୁଣି ଶାସନକୁ ଫେରିବା ବିଜେପି ପାଇଁ ବଡ ଆହ୍ୱାନ ହୋଇ ରହିଛି । କାରଣ, ଏନଆରସି ଲାଗୁ ହେବା ପରେ ସେଠାରେ ଏହାକୁ ନେଇ ଘୋର ବିରୋଧ ଦେଖିବାକୁ ମିଳିଛି । ସେପଟେ ଦକ୍ଷିଣ ଭାରତର କର୍ଣ୍ଣାଟକ ପରେ ତାମିଲନାଡୁ, ପୁଡୁଚେରୀ ଓ କେରଳରେ ବିଜେପି ମର୍ଯ୍ୟାଦା ସମ୍ପନ୍ନ ସଂଖ୍ୟା ହାସଲ ପାଇଁ ଜୋରଦାର ଉଦ୍ୟମ କରିବ ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ କିଛି ଦିନ ପୂର୍ବରୁ ହିଁ ବିଜେପିକୁ କାଉଟଂର କରିବା ପାଇଁ ମମତା ବାନାର୍ଜୀ ନୂଆ ସ୍ଳୋଗାନ ଆରମ୍ଭ କରିସାରିଛନ୍ତି । ପଶ୍ଚିମବଙ୍ଗ ଚାହେଁ ନିଜ ଝିଅ ବୋଲି ଚାରିଆଡେ ପୋଷ୍ଟର ମାରିଥିଲା ଟିଏମସି । ଏଥିରେ ମମତାଙ୍କୁ ପଶ୍ଚିମବଙ୍ଗ ଝିଅ ଭାବେ ଚିତ୍ରଣ କରାଯାଇଥିଲା । ସେହିପରି ବିଜେପିକୁ ବାହାର ଲୋକ କହି ଟିଏମସି ପ୍ରଚାର ଜାରି କରିଛି । ଏବେ ବିଜେପି ମମତାଙ୍କ ଏହି ସ୍ଲୋଗାନକୁ ନୂଆ ପୋଷ୍ଟର କରି କାଉଁଟର କରିଛି । ବିେଜେପି ତାର ପୋଷ୍ଟରେ ମମତାଙ୍କୁ ପିଉସୀ ବୋଲି କହିଛି । ନିଜର ଦଳର ନେତ୍ରୀଙ୍କୁ ପଶ୍ଚିମବଙ୍ଗର ପ୍ରକୃତ ଝିଅଭାବେ ଚିତ୍ରଣ କରିଛି । ପୋଷ୍ଟରରେ କୁହାଯାଇଛି ପଶ୍ଚିମବଙ୍ଗ ଚାହେଁ ନିଜ ଝିଅ, ପିଉସୀ ନୁହେଁ । ପୋଷ୍ଟରରେ ୯ଜଣ ବିଜେପି ନେତ୍ରୀଙ୍କୁ ସ୍ଥାନ ଦିଆଯାଇଛି । ବିଜେପିର ପୋଷ୍ଟର ଉପରେ ପ୍ରଶ୍ନ କରିଛନ୍ତି ମମତା । ପୋଷ୍ଟରରେ ଥିବା ୯ଜଣଙ୍କ ମଧ୍ୟରୁ କିଏ ମୁଖ୍ୟମନ୍ତ୍ରୀ ପ୍ରାର୍ଥୀ ହେବେ ବୋଲି ବିଜେପିକୁ ପ୍ରଶ୍ନ କରିଛନ୍ତି ମମତା ।
ସେପଟେ ଆସନ୍ତା ନିର୍ବାଚନ ପାଇଁ ଦକ୍ଷିଣକୁ ଫୋକସ କରିଛି ଦେଶର ସର୍ବପୁରାତନ ଦଳ କଂଗ୍ରେସ । ତାମିଲନାଡୁ ଓ କେରଳରେ ଦଳର ପ୍ରଚାର ଜୋରଦାର କରାଯାଇଛି । ଦୁଇ ଦିନ ତଳେ କେରଳରେ ନିର୍ବାଚନୀ ପ୍ରଚାର କରିବା ପରେ ଶନିବାର ତାମିଲନାଡୁରେ ମାରାଥନ ପ୍ରଚାର କରିଛନ୍ତି ରାହୁଲ ଗାନ୍ଧୀ । ଏଥିସହ କେରଳରେ ପ୍ରଚାର କରିବା ସମୟରେ ଉତର ଦକ୍ଷିଣ କାର୍ଡ ଖେଳିଥିଲେ ରାହୁଲ ଗାନ୍ଧୀ । ଯାହାକୁ ସମାଲୋଚନା କରିଛି ବିଜେପି ।
ପୁଣି ଦକ୍ଷିଣରେ ନିଜର ଦବଦବା ଜାହିର କରିବାକୁ କଂଗ୍ରେସ ସବୁ ବଳ ଲଗାଇ ଦେଇଛି । ହେଲେ ଏବେ ଏବେ ପୁଡ୍ଡୁଚୋର ହାତରୁ ଖସିଥିବାରୁ ଆଶା ଆଶଙ୍କା ଭିତରେ ରହିଛି ଦଳ । ସେପଟେ ଏନଆରସି ଓ ସିଏଏ ପ୍ରସଙ୍ଗକୁ ନେଇ ଆସାମରେ ପୁଣି କ୍ଷମତାକୁ ଫେରିବା ବିଜେପି ପାଇଁ ବଡ ଚ୍ୟାଲେଂଜ ।