ରାଷ୍ଟ୍ରପତି ନିର୍ବାଚନ ପୂର୍ବରୁ ବିରୋଧୀଙ୍କ ସହ କଥା ହେବାକୁ ନଡ୍ଡା ଓ ରାଜନାଥଙ୍କୁ ଦାୟିତ୍ୱ ଦେଲା ବିଜେପି । ସେପଟେ ବିରୋଧୀଙ୍କୁ ଏକାଠି କରିବାକୁ ମମତାଙ୍କ ଉଦ୍ୟମ
କନକ ବ୍ୟୁରୋ: ରାଷ୍ଟ୍ରପତି ନିର୍ବାଚନ ପାଇଁ ବିଜେପି ଦୁଇ ବରିଷ୍ଠ ନେତାଙ୍କୁ ଗୁରୁ ଦାୟିତ୍ୱ ଦେଇଛି । ରାଷ୍ଟ୍ରପତି ପ୍ରାର୍ଥୀ ନେଇ ବିଜେପି ସଭାପତି ଜେପି ନଡ୍ଡା ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏନଡିଏର ଅଂଶୀଦାର ଦଳ ଏବଂ ବିରୋଧୀ ୟୁପିଏର ଅଂଶୀଦାର ଥିବା ରାଜନୈତିକ ଦଳଙ୍କ ସହ କରିବେ ଆଲୋଚନା । ଏହି ଦୁଇ ନେତା ୟୁପିଏ ଓ ଅନ୍ୟ ବିରୋଧୀ ଦଳ ସହ ରାଷ୍ଟ୍ରପତି ନିର୍ବାଚନ ନେଇ ଆଲୋଚନା କରିବେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ମୁଖ୍ୟମନ୍ତ୍ରୀ ମମତା ବାନାର୍ଜୀ ଅଣ ବିଜେପି ରାଜନୈତିକ ଦଳର ମୁଖିଆଙ୍କୁ ଜୁନ୍ ୧୫ରେ ଦିଲ୍ଲୀରେ ଏକାଠି ହେବାକୁ ଆମନ୍ତ୍ରଣ କରିଛନ୍ତି । ଏହି ବୈଠକରେ ଏନଡିଏ ପ୍ରାର୍ଥୀ ବିରୋଧରେ ଏକତ୍ରିତ ହୋଇ ଜଣଙ୍କୁ ପ୍ରାର୍ଥୀ କରିବାକୁ ମମତା ପ୍ରସ୍ତାବ ଦେବେ । ଏହା ପୂର୍ବରୁ କିନ୍ତୁ ବିରୋଧୀ ରାଜନୈତିକ ଦଳଙ୍କ ପାଖରେ ପହଞ୍ଚିବାକୁ ଏନଡିଏ ରଣନୀତି ପ୍ରସ୍ତୁତ କରିଛି । ୨୦୧୭ରେ ରାଷ୍ଟ୍ରପତି ନିର୍ବାଚନ ବେଳେ ବିରୋଧୀ ଅଭିଯୋଗ କରିଥିଲେ ରାମନାଥ କୋବିନ୍ଦଙ୍କ ନାଁ ଘୋଷଣା କରିବା ପରେ ଏନଡିଏ ତାଙ୍କ ପାଖରେ ପହଞ୍ଚିଥିଲା । ଚଳିତଥର କିନ୍ତୁ ଏହି ତ୍ରୁଟିକୁ ସୁଧାରିବା ପାଇଁ ଏନଡିଏ ପ୍ରୟାସ କରୁଥିବା ସୂଚନା ରହିଛି । ଏବେ ଏନଡିଏ ପାଖରେ ଜେଡିୟୁ, ଆରଏଲଏସପି, ଅପନା ଦଳ, ଏଆଇଏଡିଏମକେ,ଜେଜେପି, ଏନପିପି, ଏନପିଏଫ, ଏଜିପି ରାଜନୈତିକ ଦଳ ରହିଛି । ଜୁଲାଇ ୧୮ରେ ରାଷ୍ଟ୍ରପତି ନିର୍ବାଚନ ହେବ । ଏନଡିଏ ପ୍ରାର୍ଥୀକୁ ବିଜୟୀ ହେବାକୁ ଅଳ୍ପ ସଂଖ୍ୟାର ସମର୍ଥନ ଆବଶ୍ୟକ ରହିଛି ।