ଗୋଟିଏ ପରେ ଗୋଟିଏ ଦେଶରେ ବ୍ୟାନ ହେଉଛି ଅକ୍ସଫୋର୍ଡ ଆଷ୍ଟ୍ରାଜେନେକା ଟିକା । ରକ୍ତ ଜମାଟ ବାନ୍ଧୁଥିବା ଭଳି ପାଶ୍ୱର୍ ପ୍ରତିକ୍ରିୟା ନେଇ ଆସୁୁଛି ଅଭିଯୋଗ ।
କନକ ବ୍ୟୁରୋ: ଅକ୍ସଫୋର୍ଡ ଆଷ୍ଟ୍ରାଜେନେକା ଦ୍ୱାରା ପ୍ରସ୍ତୁତ କୋଭିଡ ଟିକା ଯୋଗୁଁ ରକ୍ତ ଜମାଟ ବାନ୍ଧୁଥିବା ଭଳି ପାଶ୍ୱର୍ ପ୍ରତିକ୍ରିୟା ଖବର ସାମ୍ନାକୁ ଆସିଛି । ଏହା ପରେ ଗୋଟିଏ ପରେ ଗୋଟିଏ ଦେଶ ଏହି ଟିକା ଉପରେ କଟକଣା ଲଗାଉଛନ୍ତି । ଜର୍ମାନୀ, ଇଟାଲି, ଫ୍ରାନ୍ସ, ଆର୍ୟଲ୍ୟାଣ୍ଡ ଓ ନେଦରଲ୍ୟାଣ୍ଡ ଏହି ଟିକାର ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି । ଅନ୍ୟପଟେ ଟିକା ନେବା ସହିତ ରକ୍ତ ଜମାଟ ବାନ୍ଧିବାର କୌଣସି ସର୍ମ୍ପକ ନାହିଁ ବୋଲି ଅକ୍ସଫୋର୍ଡ ଭ୍ୟାକସିନ ଗ୍ରୁପର ଭ୍ୟାକସିନୋଲୋଜିଷ୍ଟ ପ୍ରଫେସର ଆଣ୍ଡ୍ର୍ୟୁ ପୋଲାର୍ଡ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ରିପୋର୍ଟକୁ ଉଲ୍ଲେଖ କରି ପୋଲାର୍ଡ କହିଛନ୍ତି, ବ୍ରିଟେନରେ ପ୍ରତିମାସ ହାରାହାରି ୩ହଜାର ଲୋକଙ୍କ ଠାରେ ରକ୍ତ ଜମାଟ ବାନ୍ଧିବା ଭଳି ମାମଲା ସାମ୍ନାକୁ ଆସିଥାଏ । ଟିକାକରଣ ମଧ୍ୟରେ ବି ଏହିଭଳି ମାମଲା ସାମ୍ନାକୁ ଆସୁଛି, ଯାହାକୁ ଟିକାକରଣ ସହିତ ଯୋଡାଯାଉଛି । ସେପଟେ ଆଷ୍ଟ୍ରାଜେନେକା ପକ୍ଷରୁ କୁହାଯାଇଛି ଯେ, ଟିକା ସୁରକ୍ଷିତ ଥିବା ନେଇ ଆଷ୍ଟ୍ରାଜେନେକା ଓ ବିଶ୍ୱ ସ୍ତରୀୟ ଅଧିକାରୀ ମାନେ ଦାବି କରିଛନ୍ତି । ଅପରପକ୍ଷରେ ଲୋକମାନେ ବିନା କୌଣସି ଭୟରେ ଟିକା ନେବାକୁ ବ୍ରିଟେନର ଔଷଧ ନିୟନ୍ତ୍ରଣ ସଂସ୍ଥା ପକ୍ଷରୁ କୁହାଯାଇଛି ।
ଆଷ୍ଟ୍ରାଜେନିକା କରୋନା ଟିକା ନେବା ପରେ ରକ୍ତ ଜମାଟ ପରି ସମସ୍ୟା ଦେଖା ଦେଉଥିବା ଅଭିଯୋଗ ଆସିବା ପରେ ଏନେଇ ଗଭୀର ଅନୁଧ୍ୟାନ କରିବ ଭାରତ । ବର୍ତମାନ ଭାରତରେ କରୋନା ଟିକାକରଣର ପାଶ୍ୱର୍ ପ୍ରତିକ୍ରିୟା ଦିଗ ପ୍ରତି ଅଧିକ ଯତ୍ନବାନ ହୋଇ ଚଳିତ ସପ୍ତାହରୁ ଏନେଇ ଅନୁଧ୍ୟାନ ଆରମ୍ଭ କରାଯିବ ବୋଲି କୁହାଯାଇଛି ।
ଅକ୍ସଫୋର୍ଡ ଆଷ୍ଟ୍ରାଜେନେକା କୋଭିଡ ଟିକା ନେଇ ପ୍ରାଶ୍ୱର୍ ପ୍ରତିକ୍ରିୟା ନେଇ ଖବର ଆସିବା ପରେ ଏନେଇ ପ୍ରତିକ୍ରିୟା ରଖିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଟିକା ନେବା ପରେ ରକ୍ତ ଜମାଟ ବାନ୍ଧିବା ନେଇ କୌଣସି ପ୍ରମାଣ ମିଳିନାହିଁ ତେଣୁ ଲୋକେ ଭୟଭିତ ହେବା ଅନୁଚିତ ବୋଲି କହିଛି ଡବ୍ଲୁଏଚଓ ।
ଆଷ୍ଟ୍ରାଜେନିକା ଟିକା ନେବା ପରେ ଦେହରେ ରକ୍ତ ଜମାଟ ହେବା ପରି ସମସ୍ୟା ଦେଖା ଦେଉଥିବା ଅଭିଯୋଗ ପରେ, ଡେନମାର୍କ, ନରୱେ, ଆଇସଲ୍ୟାଣ୍ଡ ଏବଂ ଥାଇଲାଣ୍ଡ ପରି ରାଷ୍ଟ୍ର ସାମୟିକ ଭାବେ , ଟିକାକରଣ ଉପରେ ରୋକ୍ ଲାଗିଛି । ଏହି ଘଟଣା ସାମ୍ନାକୁ ଆସିବା ପରେ କୋଭିଡ ୧୯ ନାସନାଲ ଟାସ୍କ ଫୋର୍ସ , ଭାରତରେ କରୋନା ଟିକାକରଣ ନେଇ ଅଧିକ ସତର୍କ ହୋଇଛି । ବର୍ତମାନ ସୁଦ୍ଧା ଭାରତରେ ସେଭଳି ଟିକାକରଣ ପରେ କୌଣସି ବଡ ଧରଣର ସମସ୍ୟା ଦେଖିବାକୁ ମିଳିନି ।