ଭାରତରେ ଅଷ୍ଟ୍ରାଜେନିକା ଟିକାକୁ ମିଳିପାରେ ଅନୁମତି । ଡ୍ରଗ୍ସ କଂଟ୍ରୋଲର ଅଫ ଇଣ୍ଡିଆର ବୈଠକ ଜାରି । ଭ୍ୟାକସିନ ଟ୍ରାଏଲର ବିସ୍ତୃତ ତଥ୍ୟ ଦେଉଛନ୍ତି ତିନି ଟିକା ନିର୍ମାତା କଂପାନୀ ।
କନକ ବ୍ୟୁରୋ : ଭାରତରେ ଅଷ୍ଟ୍ରାଜେନିକା ଓ ଅକ୍ସଫୋର୍ଡ ପ୍ରସ୍ତୁତ କୋଭିଡ୍ ଟିକାକୁ ଆଜି ମିଳିପାରେ ଅନୁମତି । ଡ୍ରଗ୍ସ କଂଟ୍ରୋଲର ଅଫ ଇଣ୍ଡିଆର ସବଜେକ୍ଟ ଏକ୍ସପର୍ଟ କମିଟି ବା ବିଶେଷଜ୍ଞ କମିଟି ଟିକାର ଜରୁରୀ ବ୍ୟବହାର ପାଇଁ ଅନୁମତି ଦେବା ନେଇ ବୈଠକ ବସିଛି । ଏହି ବୈଠକରେ ଅଷ୍ଟ୍ରେଜେନିକା ଟିକାକୁ ବ୍ୟବହାର ପାଇଁ ଅନୁମତି ମିଳିବ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର ଦ୍ୱିତୀୟ ଜନବହୁଳ ରାଷ୍ଟ୍ର ଭାରତରେ ଜରୁରୀକାଳିନ ଟିକା ବ୍ୟବହାର ପାଇଁ ଫାଇଜର, ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ, ଭାରତ ବାୟୋଟେକ୍ ପ୍ରାଇଭେଟ ଲିମିଟେଡ ଆବେଦନ କରିଛନ୍ତି । ସବଜେକ୍ଟ ଏକ୍ସପର୍ଟ କମିଟି ବା ବିଶେଷଜ୍ଞ କମିଟି ପାଖରେ ତିନୋଟି ଟିକା ନିର୍ମାତା କଂପାନୀ ଭ୍ୟାକିସନ ଟ୍ରାଏଲର ତଥ୍ୟ ଦାଖଲ କରିଛନ୍ତି । ଗତ ବୁଧବାର ସବଜେକ୍ଟ ଏକ୍ସପର୍ଟ କମିଟିର ବୈଠକ ବସିଥିଲା । ବୈଠକରେ ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ, ଭାରତ ବାୟୋଟେକ୍ ପ୍ରାଇଭେଟ ଲିମିଟେଡ ପକ୍ଷରୁ ଟିକା ପରୀକ୍ଷଣ ସମୟର ସମସ୍ତ ତଥ୍ୟ ଦାଖଲ କରାଯାଇଥିଲା ।
ତେବେ ପରୀକ୍ଷଣର ତଥ୍ୟ ଦେବାକୁ ଅଧିକ ସମୟ ମାଗିଥିଲା ଫାଇଜର । ଏହାପରେ ଜାନୁୟାରୀ ୧ ତାରିଖ ଅର୍ଥାତ ଆଜି ପୁଣି ବୈଠକ ବସି ନିଷ୍ପତି ନିଆଯିବ ବୋଲି ଡ୍ରଗ୍ସ କଂଟ୍ରୋଲର ଅଫ ଇଣ୍ଡିଆ ପକ୍ଷରୁ କୁହାଯାଇଥିଲା । ନୂଆ ବର୍ଷର ପ୍ରଥମ ଦିନରେ କୋଭିଡ ଟିକାକରଣ ପ୍ରସ୍ତାବକୁ ମଂଜୁରୀ ମିଳିବା ପରେ ଔଷଧ ନିୟନ୍ତ୍ରକଙ୍କ ଅନୁମୋଦନ ପାଇଁ ସୁପାରିଶ ପଠାଯିିବ । ଏହା ପରେ ଦେଶରେ ଟିକାକରଣ ପ୍ରକ୍ରିୟା ଆରମ୍ଭ ହେବ ।