ନୟାଗଡ଼ ପରୀ ମୃତ୍ୟୁ ପ୍ରସଙ୍ଗରେ ଆଜି ବି ଆରମ୍ଭରୁ ଚାଲିପାରିଲାନି ବିଧାନସଭା : ଏସଆଇଟି ତଦନ୍ତ ସହ ମନ୍ତ୍ରୀଙ୍କ ଇସ୍ତଫା ଦାବିରେ କମ୍ପିଲା ଗୃହ
ଗୃହ ମଧ୍ୟଭାଗରେ ବିରୋଧୀ ବିଜେପି-କଂଗ୍ରେସ ସଭ୍ୟଙ୍କ ହଟ୍ଟଗୋଳ, ସାରା ରାଜ୍ୟରେ ପ୍ରତିବାଦ କରିବ ବିଜେପି;ଭୁବନେଶ୍ୱର ଲୋୟର ପିଏମଜିରେ ବିକ୍ଷୋଭ ପ୍ରଦର୍ଶନ କରିବ ଯୁବ କଂଗ୍ରେସ
କନକ ବ୍ୟୁରୋ : ଗତତିନିଦିନ ହେଲା ବିଧାନସଭାକୁ ଅଚଳ କରି ରଖିଛି ନୟାଗଡ଼ରେ ୫ବର୍ଷର ଶିଶୁ ପରୀ ମୃତ୍ୟୁ ଘଟଣା । ଆଜି ଗୃହ କାର୍ଯ୍ୟ ଆରମ୍ଭ ହେବା ପରେ ପୁଣି ହୋହାଲ୍ଲା କରିଛନ୍ତି ବିଜେପି ଓ କଂଗ୍ରେସ ବିଧାୟକ । ଘଟଣାର ଏସଆଇଟି ତଦନ୍ତ ସହ କୃଷି ମନ୍ତ୍ରୀ ଅରୁଣ ସାହୁଙ୍କ ଇସ୍ତଫା ଦାବି କରି ପାଟିତୁଣ୍ଡ କରିଛନ୍ତି ବିରୋଧି ବିଧାୟକ । ଫଳରେ ଗୃହକୁ ୩୦ମିନିଟ ପାଇଁ ମୁଲତବୀ ରଖି ସର୍ବଦଳୀୟ ବୈଠକ ଡ଼କାଇଥିଲେ ବାଚସ୍ପତି ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରସଙ୍ଗରେ କୃଷି ମନ୍ତ୍ରୀ ଅରୁଣ ସାହୁଙ୍କ ନାଁ ଉଠିବା ପରଠାରୁ ସରକାରଙ୍କ ଉପରେ ବେଶ ଆକ୍ରମଣାତ୍ମକ ହୋଇପଡ଼ିଛନ୍ତି ବିରୋଧି । ବିଜେପି ଆଜି ରାଜ୍ୟର ବିଭିନ୍ନ ସ୍ଥାନରେ ପରୀ ପ୍ରସଙ୍ଗରେ ବିକ୍ଷୋଭ ପ୍ରଦର୍ଶନ କରୁଛି । ଭୁବନେଶ୍ୱର ଜିଲ୍ଲା ବିଜେପି ପକ୍ଷରୁ ରାଜ୍ୟ ବିଜେପି କାର୍ଯ୍ୟାଳୟରୁ ଏକ ରାଲି ବିଧାନସଭା ଅଭିମୁଖେ ବାହାରିଛି । ସେହିପରି ଭୁବନେଶ୍ୱର ଲୋୟର ପିଏମଜିରେ ଯୁବ କଂଗ୍ରେସ ପକ୍ଷରୁ ଆନ୍ଦୋଳନ କାର୍ଯ୍ୟକ୍ରମ ରହିଛି ।