କଟକଣା ମାନୁନାହାନ୍ତି ବାଣ ବ୍ୟବସାୟୀ : ଲୁଚାଛପା ଚାଲିଛି ବାଣ କାରବାର; ଯାଜପୁର ବାଲିପଦାରୁ ଲକ୍ଷାଧିକ ଟଙ୍କାର ବାଣ ଜବତ,ଜଣେ ଗିରଫ
କନକ ବ୍ୟୁରୋ : ଆଜି ଦୀପାବଳୀ ଅବସରରେ ବାଣ ବ୍ୟାନ ଥିବା ବେଳେ ଗ୍ରାମାଂଚଳରେ ଚୋରାରେ ଚାଲିଛି ବାଣ ବ୍ୟବସାୟ । ଯାଜପୁର ପୋଲିସ ପକ୍ଷରୁ ବାଲିପଦା ଛକ ନିକଟ ଅଭୟ କୁମାର ଦାସ ନାମକ ଜଣେ ବ୍ୟବସାୟୀଙ୍କ ଦୋକାନରୁ ବିପୁଳ ପରିମାଣରେ ବାଣ ଜବତ କରିବା ସହ ବ୍ୟବସାୟୀଙ୍କୁ ଗିରଫ କରିଛି । ଜବତ ବାଣର ଆନୁମାନିକ ମୁଲ୍ୟ ୨ଲକ୍ଷ ଟଙ୍କାରୁ ଅଧିକ ହେବ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ସରକାର ବାଣ ଉପରେ କଟକଣା ଲଗାଇଥିଲେ ମଧ୍ୟ ଯାଜପୁରର ବିଭିନ୍ନ ସ୍ଥାନରେ ଵାଣ ବେପାର ଉପରେ ପୁଲିସ ଚଢାଉ ଜାରି ରହିଛି। ପୂର୍ବରୁ ମଧ୍ୟ ବିଭିନ୍ନ ବାଣ ବ୍ୟବସାୟୀ ଓ ବାଣ ଭିଡୁଥିବା ଲୋକଙ୍କ ଉପରେ ଚଢାଉ ହୋଇଥିବା ବେଳେ ଏହା ଥାନା ପକ୍ଷରୁ ତୃତୀୟ ଚଢାଉ । ଜିଲ୍ଲାବାସୀ ଚଳିତବର୍ଷ ଦୀପାବଳିକୁ ବାଣ ବଦଳରେ ଦୀପରେ ପାଳନ କରିବାକୁ ଜିଲ୍ଲା ପୁଲିସ ପକ୍ଷରୁ ନିବେଦନ କରାଯାଇଛି।