ଭରତପୁର ଅଂଚଳରୁ ଜଣେ ବନ୍ଧୁକ ବେପାରୀ ଗିରଫ । ଚୋରା ବନ୍ଧୁକ ସହ ତିନିଟି ଗୁଳି ଜବତ
କନକ ବ୍ୟୁରୋ : ଭରତପୁର ଥାନା ଅଞ୍ଚଳରୁ ଜଣେ ବନ୍ଧୁଙ୍କ ବେପାରୀ ଗିରଫ । ବ୍ରାଉନସୁଗାର ବିକ୍ରି କରିବାକୁ ଆସିଥିବା ବେଳେ ପୁଲିସ ଚୋରା ବନ୍ଧୁକ ବେପାରୀକୁ କାବୁ କରିଥିବା ନେଇ ସୂଚନା ମିଳିଛି । ଅଭିଯୁକ୍ତକୁ ଗିରଫ କରାଯିବା ସହ ତା’ଠାରୁ ଦେଶୀ ବନ୍ଧୁକ ଓ ୫ରାଉଣ୍ଡ ଜୀବନ୍ତ ଗୁଳି ଜବତ କରିଛି ପୁଲିସ । ଅଭିଯୁକ୍ତ ଜଣକ ଭରତପୁର ଅଞ୍ଚଳର ଭାବଗ୍ରାହୀ ସାହୁ ବୋଲି ଚିହ୍ନଟ କରାଯାଇଛି । ଏହି ଘଟଣା ସାମ୍ନାକୁ ଆସିବା ପରେ ଏବେ ଭାବଗ୍ରାହୀକୁ ନେଇ ଅଧିକ ତଦନ୍ତ କରୁଛି ଭରତପୁର ଥାନା ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଭାବଗ୍ରାହୀ ଗତକାଲି ରାତିରେ ବ୍ରାଉନସୁଗାର ବିକ୍ରି କରିବାକୁ ଆସିବ ବୋଲି ଭରତପୁର ପୁଲିସକୁ ସୂଚନା ମିଳିଥିଲା । ସୂଚନା ପାଇବା ପରେ ପୁଲିସ ଭାବଗ୍ରାହୀକୁ କାବୁ କରିବା ପାଇଁ ପୂର୍ବରୁ ପ୍ରସ୍ତୁତ ଥିଲା । ଭାବଗ୍ରାହୀ ବ୍ରାଉନସୁଗାର ବିକ୍ରି କରିବାକୁ ଆସିବା ପରେ ପୁଲିସ ଯୋଜନା ମୁତାବକ ତାକୁ ଗିରଫ କରିଥିଲା । ଗିରଫ ପରେ ତା’ଠାରୁ ଦେଶୀ ବନ୍ଧୁକ ଓ ୫ରାଉଣ୍ଡ ଜୀବନ୍ତ ଗୁଳି ଜବତ କରିଛି ପୁଲିସ। ଏହା ପୂର୍ବରୁ ମଧ୍ୟ ବିଭିନ୍ନ ପୁଲିସ ଷ୍ଟେସନରେ ଭାବଗ୍ରାହୀ ନାଁରେ ଅନେକ ମାମଲା ରୁଜୁ ହୋଇଥିବା ଜଣାପଡ଼ିଛି ।