ଆଣ୍ଡାମାନ ନିକୋବରକୁ ମିଳିଲା ଡିଜିଟାଲ ସଂଯୋଗର ଉପହାର : ଦିଲ୍ଲୀରୁ ଫାଇବର କେବୁଲର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ; ଚେନ୍ନାଇରୁ ପୋର୍ଟବ୍ଲେୟାର ଯାଏଁ ସମୁଦ୍ର ପଥରେ ବିଛାଯିବ ଇଂଟରନେଟ ତାର
କନକ ବ୍ୟୁରୋ : ଆଣ୍ଡମାନ ନିକୋବରକୁ ମିଳିଲା ଇଂଟରନେଟ ସ୍ପିଡର ଉପହାର । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବମରିନ ଅପ୍ଟିକାଲ ଫାଇବର କେବୁଲ ବିଛାଇବା ପ୍ରକଳ୍ପର ଶୁଭାରମ୍ଭ କରିଛନ୍ତି । ଏହି ପ୍ରକଳ୍ପ ଦ୍ୱାରା ଆଗକୁ ଆଣ୍ଡାମାନ ନିକୋବରରେ ଇଂଟରନେଟର ସ୍ପିଡ ବଢିବ । ପ୍ରକଳ୍ପର ଉଦଘାଟନ ଅବସରରେ ପ୍ରଧାନମନ୍ତ୍ରୀ କହିଛନ୍ତି, ଆଣ୍ଡାମାନକୁ ଯୋଡିବା ଓ କନେକଟିଭିଟି ଯୋଗାଇବା ଦେଶର ଦାୟିତ୍ୱ । ସରକାର ଦିଲ୍ଲୀ ଓ ଦିଲ ଭିତରେ ଥିବା ଦୂରତାକୁ କମାଇବା, ଦେଶର ସମସ୍ତ ନାଗରିକଙ୍କୁ ସୁବିଧା ପହଂଚାଇବାକୁ ଉଦ୍ୟମ କରୁଛନ୍ତି । ସବମରିନ ଅପ୍ଟିକାଲ ଫାଇବର ପ୍ରକଳ୍ପ ଜରିଆରେ ଆଣ୍ଡାମାନର ଇଜ ଅଫ ଡୁଇଂ ସୁବିଧା ହେବ ଓ ଡିଜିଟାଲ ଇଣ୍ଡିଆକୁ ଲାଭ ମିଳିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଚେନ୍ନାଇରୁ ପୋର୍ଟ ବ୍ଲେୟାର ଯାଏଁ ସମୁଦ୍ର ଭିତରେ ପ୍ରାୟ ୨୩ଶହ କୋଲିମିଟିର ସବମରିନ ଅପ୍ଟିକାଲ ଫାଇବର କେବୁଲ ବିଛା ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚେନ୍ନାଇରୁ ଫାଇବର କେବୁଲ ସ୍ୱରାଜଦ୍ୱୀପ, ଲିଟିଲ ଆଣ୍ଡାମାନ, କାର ନିକୋବର, କାମରୋତା, ଗ୍ରେଟ ନିକୋବର, ଲଙ୍ଗ ଆଇଲାଣ୍ଡ ହୋଇ ରଙ୍ଗତ ଯାଏଁ ଯାଇଛି । ଆଣ୍ଡମାନ ନିକୋବର ଟୁରିଷ୍ଟମାନଙ୍କୁ ଆକର୍ଷଣ କରୁଥିବା ବେଳେ କନେକ୍ଟିଭିଟି ବଡ ସମସ୍ୟା ରହିଥିଲା । ଏବେ ଆଣ୍ଡମାନ ନିକୋବର ଦ୍ୱୀପପୁଞ୍ଜକୁ ୱାର୍ଲଡ ଟୁରିଜମ ଷ୍ପଟ୍ ଭାବେ ବିକଶିତ କରାଯିବା ଉପରେ ଜୋର ଦେଇଛନ୍ତି ଭାରତ ସରକାର ।