ପ୍ରଶାସନ ଶୁଣିଲାନି…ଗାଁ ଲୋକ ତିଆରି କଲେ ପୋଲ : ଗୁଞ୍ଜିବାଡିରେ ନିଜସ୍ୱ ଉଦ୍ୟମରେ ଗ୍ରାମବାସୀ ତିଆରି କଲେ କାଠ ପୋଲ, ଗଛରେ ତାର ବାନ୍ଧି ଯିବାଆସିବା କରୁଥିଲେ ଲୋକ ; ଖବର ପ୍ରସାରଣ ପରେ ତାର ଖୋଲି ଦେଇଥିଲା ପ୍ରଶାସନ
କନକ ବ୍ୟୁରୋ : ସ୍ୱାଧୀନତାର ୭୩ ବର୍ଷ ପରେ ବି ବିକାଶ ଅପହଂଚ । ଗତମାସ ୨୩ ତାରିଖରେ ଆମେ ଏଭଳି ଚିତ୍ର ଦେଖାଇଥିଲୁ କନ୍ଧମାଳ ଜିଲ୍ଲା କ.ନୂଆଗାଁ ବ୍ଲକ ଗୁଞ୍ଜିବାଡି ପଂଚାୟତରୁ । ଏଠାରେ ଥିବା କାଳିପେନୁ ନଦୀରେ ପୋଲ ନଥିବାରୁ ଲୋକେ ଗଛରେ ବିଦ୍ୟୁତ ତାର ବାନ୍ଧି ଯିବା ଆସିବା କରୁଥିବା ଦୃଶ୍ୟ ଆମେ ପ୍ରସାରଣ କରିଥିଲୁ ।
Kanak News is now on WhatsApp
Join and get latest news updates delivered to you via WhatsApp
ଏହି ଖବର ପ୍ରସାରଣ ପରେ ନୂଆଗାଁ ବିଡିଓ ଘଟଣାସ୍ଥଳରେ ପଂହଚି ତାର ଖୋଲିଦେଇଥିଲେ । ଏହାସହ ନିକଟସ୍ଥ ରାଇକିଆ ବ୍ଲକର ଏକ ପୋଲ ଦେଇ ଯିବାଆସିବା କରିବାକୁ ତାଗିଦ କରିଥିଲେ । ପ୍ରଶାସନର ସହାୟତାକୁ ଚାହିଁ ବସି ଶେଷରେ ନିରାଶ ହୋଇ ନିଜସ୍ୱ ଚେଷ୍ଟାରେ ନିର୍ମାଣ କରିଛନ୍ତି ବାଉଁଶ ପୋଲ । ଏଥିପାଇଁ ଗ୍ରାମବାସୀଙ୍କୁ ଦୁଇଟି ସ୍ୱେଚ୍ଛାସେବୀ ଅନୁଷ୍ଠାନ ସହାୟତା କରିଛନ୍ତି ।
ଏକାଠି ହୋଇ ସ୍ଥାନୀୟ ଲୋକେ କାଳୀପେନୁ ନଦୀ ଉପରେ ତିଆରି କରିଛନ୍ତି ପୋଲ । ନଦୀ ଉପରେ ବାଉଁଶ, କାଠ, ପଥର ଓ ବାଲି ବ୍ୟବହାର କରି ଦେଶୀ ପଦ୍ଧତିରେ ପୋଲ ତିଆରି କରିଛନ୍ତି ଗାଁ ଲୋକେ । ଯାହା ପ୍ରଶାସନ କରିପାରିଲାନି, ତାକୁ କରିଦେଖାଇଛନ୍ତି ଗାଁ ଲୋକେ ।