ଏମିତି ଆସେ ମୃତ୍ୟୁ : ପ୍ରାତଃ ଭ୍ରମଣ କରୁ କରୁ ଟଳିପଡିଲେ ଜମ୍ମୁକାଶ୍ମୀରର ପୂର୍ବତନ ପୋଲିସ ଡିଜି; ଡାକ୍ତରଖାନାରେ ମୃତ ଘୋଷଣା କଲେ ଡାକ୍ତର
କାଶ୍ମୀର ପୋଲିସରେ ସଂଭାଳିଥିଲେ ଗୁରୁତ୍ୱପୂର୍ଣ୍ଣ ପଦବୀ
କନକ ବ୍ୟୁରୋ : ଏମିତି ଆସେ ମୃତ୍ୟୁ । ମର୍ଣ୍ଣିଂୱାକ ବେଳେ ଟଳିପଡିଲେ ଜମ୍ମୁ-କାଶ୍ମୀରର ପୂର୍ବତନ ଡିଜି ମିଲନ ମହାନ୍ତି । ବୁଧବାର ସକାଳେ ଭୁବନେଶ୍ୱରର ଫରେଷ୍ଟ ପାର୍କରେ ପଡିଯାଇ ସେ ପ୍ରାଣ ହରାଇଛନ୍ତି । ତାଙ୍କ ମୁଣ୍ଡ ପଛ ପାଖରେ ଆଘାତ ଲାଗି ପ୍ରଚୁର ରକ୍ତସ୍ରାବ ହେବାରୁ ସେ ପ୍ରାଣ ହରାଇଛନ୍ତି । ସବୁଦିନ ଭଳି ଗତକାଲି ସକାଳେ ସେ ଫରେଷ୍ଟ ପାର୍କକୁ ପ୍ରାତଃଭ୍ରମଣ ପାଇଁ ଯାଇଥିଲେ । ଏହି ସମୟରେ ସେ ହଠାତ ତଳେ ପଡିଯାଇଥିଲେ । ସେଠାରେ ଉପସ୍ଥିତ ଥିବା ଲେକେ ମିଲନ ମହାନ୍ତିଙ୍କୁ ମେଡିକାଲ ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମିଲନ ମହାନ୍ତି ୧୯୭୧ ବ୍ୟାଚର ଜମ୍ମୁ-କାଶ୍ମୀର କ୍ୟାଡରର ଆଇପିଏସ ଅଫିସର ଥିଲେ । ସେ ସହ ଜମ୍ମୁ-କାଶ୍ମୀରର ବହୁ ଗୁରୁତ୍ୱପୂର୍ଣ୍ଣ ପଦପଦବୀରେ ରହିଥିଲେ । ୨୦୦୯ରେ ଚାକିରୀରୁ ଅବସର ନେଇ ଭୁବନେଶ୍ୱରର ପରିବାର ସହ ସୂର୍ଯ୍ୟନଗରରେ ରହୁଥିଲେ । ସତ୍ୟନଗର ଶ୍ମଶାନରେ ମିଲନଙ୍କ ଶେଷକୃତ୍ୟ ହୋଇଛି ।