କରୋନାକୁ ମାରିବ ଏଡସ୍ ମେଡିସିନ୍ ! ଥାଇଲାଣ୍ଡ ଡାକ୍ତରଙ୍କ ଦାବି…ମାତ୍ର ୪୮ ଘଂଟା ଭିତରେ ସଂପୂର୍ଣ୍ଣ ସୁସ୍ଥ ହୋଇଯିବେ ଚାଇନା ଭାଇରସରେ ଆକ୍ରାନ୍ତ ଥିବା ରୋଗୀ
କନକ ବ୍ୟୁରୋ: ଭୟ ବଢାଉଛି ଚାଇନା ଭାଇରସ । ଦିନକୁ ଦିନ ଅତି ଭୟଙ୍କର ରୂପ ନେଉଛି କରୋନା ଭାଇରସ । ତେବେ ବର୍ତ୍ତମାନ ସୁଦ୍ଧା ଏହି ଭୁତାଣୁର ଶିକାର ହୋଇ ୩୬୨ ଜଣଙ୍କ ମୃତ୍ୟୁ ଘଟିଥିବା ବେଳେ ଏବେବି ହଜାରେ ଆକ୍ରାନ୍ତଙ୍କ ଅବସ୍ଥା ଉଦବେଗଜନକ ରହିଛିି । ସେହିଭଳି ବିଶ୍ୱବ୍ୟାପୀ ୧୮ ହଜାରରୁ ଅଧିକ ଲୋକେ ଏଥିରେ ଆକ୍ରାନ୍ତ ହୋଇଥିବାବେଳେ କେବଳ ଚୀନରେ ୧୭ ହଜାର ୨୦୫ ଜଣ ବ୍ୟକ୍ତି କରୋନା ଭାଇରସରେ ଆକ୍ରାନ୍ତ ଥିବା ଚିହ୍ନଟ ହୋଇଛନ୍ତି । ସେପଟେ ଏହି ଭୟଙ୍କର ଭୁତାଣୁରୁ ଲୋକଙ୍କୁ ବଂଚାଇବା ପାଇଁ ଦୁନିଆର ବଡ ବଡ ଶକ୍ତିଶାଳୀ ଦେଶର ଡାକ୍ତର, ବିଶେଷଜ୍ଞମାନେ ଦିନରାତି ଏକ କରିଦେଇଛନ୍ତି । ଆଉ ଏହାରି ଏହି କରୋନା ଭାଇରସକୁ ରୋକିବା ପାଇଁ ଭିତରେ ଥାଇଲାଣ୍ଡ ବାହାର କରିଛି ସ୍ୱତନ୍ତ୍ର ମେଡିସିନ ।
Kanak News is now on WhatsApp
Join and get latest news updates delivered to you via WhatsApp
ଥାଇଲାଣ୍ଡର ଏକ ଡାକ୍ତରୀ ଟିମ୍ କିଛି ଔଷଧକୁ ମିଶାଇ ପ୍ରସ୍ତୁତ କରିଛନ୍ତି ଏକ ନୂଆ ଔଷଧ ଆଉ ଏହି ଔଷଧକୁ ଖାଇବା ମାତ୍ରେ ମାତ୍ର ୪୮ ଘଂଟା ଭିତରେ ସୁସ୍ଥ ହୋଇ ଉଠୁଛନ୍ତି କରୋନା ଭାଇରସରେ ଆକ୍ରାନ୍ତ ହୋଇଥିବା ରୋଗୀ । ତେବେ ଥାଇଲାଣ୍ଡ ଡାକ୍ତରଙ୍କ ଦାବି ରହିଛି ଯେ, ଏହି ଔଷଧରେ କରୋନା ସଂକ୍ରମିତଙ୍କୁ ସୁସ୍ଥ କରିବାର ସାମର୍ଥ ରହିଛି । ଏପରିକି ଏହି ଔଷଧ ଖାଇଥିବା ଜଣେ କରୋନା ଆକ୍ରାନ୍ତ ରୋଗୀ ମାତ୍ର ୪୮ ଘଂଟା ଭିତରେ ସୁସ୍ଥ ହୋଇଥିବା ଦାବି ମଧ୍ୟ କରିଛନ୍ତି ଥାଇଲାଣ୍ଡ ଡାକ୍ତର ।
ତେବେ ଥାଇଲାଣ୍ଡ ଡାକ୍ତରଙ୍କ କଥାନୁସାରେ, କରୋନା ଭାଇରସରେ ପିଡୀତ ଜଣେ ରୋଗୀଙ୍କୁ ସେମାନେ ଏହି ଔଷଧ ଖାଇବାକୁ ଦେଇଥିଲେ ତେବେ ଔଷଧ ଖାଇବାର ମାତ୍ର ୧୨ ଘଂଟା ମଧ୍ୟରେ ରୋଗୀ ଜଣକ ଶଯ୍ୟାରେ ଉଠି ବସିପଡିଥିଲେ । ଯେବେକି ପୂର୍ବରୁ ସେ କଥା କହିବାକୁ ବି ଅସମର୍ଥନ ଥିଲେ । ଆଉ ୪୮ ଘଂଟାରେ ରୋଗୀ ଜଣକ ୯୦ ପ୍ରତିଶତ ସୁସ୍ଥ ହୋଇଥିବା ଦାବି କରିଛନ୍ତି ଥାଇଲାଣ୍ଡ ଡାକ୍ତର । ଡାକ୍ତରଙ୍କ ସୂଚନାନୁସାରେ, ଲ୍ୟାବରେ ଏହି ଔଷଧକୁ ନେଇ ପରୀକ୍ଷା ନିରୀକ୍ଷା କଲା ପରେ ଏଥିରେ ସକାରତ୍ମକ ରେଜଲ୍ଟ ମିଳିଥିଲା । ଯେଉଁଥିରେ ମାତ୍ର ୪୮ ଘଂଟା ମଧ୍ୟରେ କରୋନା ଭାଇରସକୁ ନଷ୍ଟ କରିବାର କ୍ଷମତା ରହିଛି । କାରଣ କରୋନା ଭାଇରସର ଚିକିତ୍ସା ପାଇଁ ସେମାନେ ଏଥିରେ ଆଂଟି-ଫ୍ଲୁ ଡ୍ରଗ ଓସେଲ୍ଟାମିଭିରକୁ ଏଚଆଇଭିର ଚିକିତ୍ସା ପାଇଁ ବ୍ୟବହାର କରାଯାଉଥିବା ଲୋପିନାଭିର ଏବଂ ରିଟୋନାଇିର ସହ ମିଶାଇ ଏକ ନୂତନ ଔଷଧ ପ୍ରସ୍ତୁତ କରିଛନ୍ତି । ଯାହାକି ବର୍ତ୍ତମାନ ଫଳପ୍ରଦ ପ୍ରମାଣିତ ହୋଇଛି ।