କନକ ବ୍ୟୁରୋ: ବିଶ୍ୱର ସବୁଠାରୁ ବଡ ଇଲେକଟ୍ରିକ ବାହନ ନିର୍ମାତା ଟେସଲା ବଡ ନିଷ୍ପତ୍ତି ନେଇଛି । ଏକ ନୂଆ କାରଖାନା ନିର୍ମାଣ ପାଇଁ କମ୍ପାନୀ ଶୀଘ୍ର ନିଷ୍ପତ୍ତି ନେଇପାରେ । କମ୍ପାନୀର ସିଇଓ ଏଲନ ମସ୍କ କହିଛନ୍ତି ଚଳିଳ ବର୍ଷ ଶେଷ ଆଡକୁ ଏହି ସ୍ଥାନର ଅନ୍ତିମ ରୂପ ଦିଆଯିବ । ମଙ୍ଗଳବାର ସେ ସଙ୍କେତ ଦେଇଛନ୍ତି ଯେ କାରଖାନାର ସ୍ଥାନ ଭାରତ ହୋଇପାରେ । କାରଣ, ସେ ଭାରତରେ କାରଖାନା ସ୍ଥାପନ କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ମସ୍କଙ୍କର ଏହି ଟିପ୍ପଣୀ ଭାରତରେ ଟେସଲା ନିର୍ମାଣର ଯୋଜନାକୁ ଛାଡିବାର ଏକ ବର୍ଷ ପରେ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଏକ ସାକ୍ଷାତକାରରେ ମସ୍କଙ୍କୁ ପଚରାଯାଇଥିଲା ଯେ କଣ ଟେସଲା ଭାରତରେ ନୂଆ କାରଖାନା ପାଇଁ ଇଚ୍ଛା ପ୍ରକାଶ କରୁଛି କି? ସେ କହିଥିଲେ ନିହାତି । ଗତ ସପ୍ତାହରେ ଟେସଲା ଅଧିକାରୀ ନୂଆଦିଲ୍ଲୀରେ ଭାରତୀୟ ଅଧିକାରୀଙ୍କ ସହ ଆଲୋଚନା କରିଥିଲେ । ସେମାନେ ଏଠାରେ ଗୋଟିଏ ଉତ୍ପାଦନ କାରଖାନା ଏବଂ ଗବେଷଣା କାରଖାନା ମଧ୍ୟ ପ୍ରସ୍ତାବ ରଖିଛନ୍ତି ।