ଘାଟିରେ ୨୪ ଘଣ୍ଟା ମଧ୍ୟରେ ଅଣ-କଶ୍ମୀରୀଙ୍କୁ ଆତଙ୍କବାଦୀଙ୍କ ଟାର୍ଗେଟ । ଗୁଳିମାଡରେ ବିହାରର ୨ ମୃତ, ଜଣେ ଗୁରୁତର
ଦିନ ମଜୁରିଆ ଭାବେ କରୁଥିଲେ କାମ; ନୀତୀଶ କୁମାର କଲେ ଚିନ୍ତା ପ୍ରକଟ
କନକ ବ୍ୟୁରୋ : ୨୪ ଘଣ୍ଟା ମଧ୍ୟରେ ଦ୍ୱିତୀୟ ଥର ପାଇଁ ଅଣ କଶ୍ମୀରୀଙ୍କୁ ଟାର୍ଗେଟ କରିଛନ୍ତି ଆତଙ୍କବାଦୀ । ରବିବାର ଦକ୍ଷିଣ କଶ୍ମୀରର କୁଲଗାମ ଜିଲ୍ଲାରେ ଆତଙ୍କବାଦୀଙ୍କ ଗୁଳିରେ ଦୁଇ ଜଣ ହତ୍ୟାର ଶିକାର ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ମୃତକ ଦୁଇଜଣ ବିହାରର । ସେହିଭଳି ଅନ୍ୟ ଜଣେ ଗୁରୁତର ହୋଇଛନ୍ତି । ଏମାନେ ସମସ୍ତେ ବିହାରରୁ ଆସି ଦିନ ମଜୁରିଆ ଭାବରେ ଏଠାରେ କାମ କରୁଥିଲେ । ଏହାର ଠିକ୍ ଗୋଟିଏ ଦିନ ପୂର୍ବରୁ ଆତଙ୍କୀଙ୍କ ଗୁଳିରେ ଶ୍ରୀନଗରର ଦୁଇ ଜଣ ସାଧାରଣ ଲୋକ ମଧ୍ୟ ଆତଙ୍କବାଦୀଙ୍କ ଦ୍ୱାରା ହତ୍ୟାର ଶିକାର ହୋଇଥିଲେ । ଏମାନେ ମଧ୍ୟ ବିହାରର ଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାରମ୍ବାର ବିହାରର ନାଗିରକ ମାନେ ହତ୍ୟାର ଶିକାର ହୋଇଥିବାରୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଚିନ୍ତା ପ୍ରକଟ କରିଛନ୍ତି । ସେହିପରି ପୁଲୱାମାରେ ଉତରପ୍ରଦେଶରୁ ଆସି କାମ କରୁଥିବା ଜଣେ ବ୍ୟକ୍ତିଙ୍କୁ ଆତଙ୍କବାଦୀ ହତ୍ୟା କରିଥିଲେ । ଜମ୍ମୁ କଶ୍ମୀରରୁ ଆତଙ୍କୀଙ୍କୁ ହଟାଇବା ପାଇଁ ସରକାର ଆତଙ୍କବାଦ ବିରୋଧୀ ଅଭିଯାନ ଆରମ୍ଭ କରିଛନ୍ତି । ଯାହାର ଜବାବ ଦେବାକୁ ଯାଇ ଆତଙ୍କବାଦୀ ରକ୍ତମୁଖା ହୋଇଥିବା କୁହାଯାଉଛି । ଅନ୍ୟପଟେ ଜମ୍ମୁ କଶ୍ମୀରରେ ଥିବା ସମସ୍ତ ଅଣ କଶ୍ମୀରୀ ଶ୍ରମିକଙ୍କୁ ସୁରକ୍ଷା ଯୋଗାଇ ଦେବା ପାଇଁ ପ୍ରଶାସନ ନିର୍ଦ୍ଦେଶ ଦେଇଛି । ପୁଲିସ କ୍ୟାମ୍ପ କିମ୍ବା ସେନା କ୍ୟାମ୍ପକୁ ଆଣି ଏହି ଅଣ ଅଣକଶ୍ମୀରୀ ଶ୍ରମିକଙ୍କୁ ରଖିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।