ଫ୍ରାନ୍ସରେ ଚର୍ଚ ଉପରେ ଆତଙ୍କବାଦୀ ଆକ୍ରମଣ : ନିର୍ମମତାର ସହ ଆତଙ୍କୀ କାଟିଦେଲେ ମହିଳାଙ୍କ ବେକ , ୨ ଜଣଙ୍କୁ ଛୁରୀ ଭୁଷି ହତ୍ୟା ; ପୋଲିସର ପାଲଟା ଗୁଳିରେ ଆତଙ୍କବାଦୀ ମୃତ
କନକ ବ୍ୟୁରୋ : ଫ୍ରାନ୍ସ ଚର୍ଚରେ ଆତଙ୍କବାଦୀ ଆକ୍ରମଣ । ଅତି ବର୍ବର ଭାବେ ମହିଳାଙ୍କ ମୁଣ୍ଡ କାଟିଲେ ଆତଙ୍କବାଦୀ, ଛୁରୀ ମାଡରେ ୩ ମୃତ । ଫ୍ରାନ୍ସର ନାଇସ୍ ସହର ସ୍ଥିତ ସବୁଠୁ ବଡ ରୋମାନ କ୍ୟାଥୋଲିକ୍ ନୋଟ୍ରେ ଡାମ୍ ଚର୍ଚ୍ଚରେ ଏହି ଆକ୍ରମଣ ହୋଇଛି । ଗତକାଲି ଦିନ ପ୍ରାୟ ୯ଟା ସମୟରେ ଆକ୍ରମଣକାରୀ ଚର୍ଚ୍ଚ ଭିତରକୁ ପ୍ରବେଶ କରିଥିଲା । ସେ ତୁରନ୍ତ ଜଣେ ମହିଳାଙ୍କ ଉପରେ ଆକ୍ରମଣ କରି ମୁଣ୍ଡକାଟି ଦେଇଥିଲା । ଏହି ସମୟରେ ଚର୍ଚ୍ଚ ୱାର୍ଡେନ ତାକୁ ରୋକିବାକୁ ଚେଷ୍ଟା କରିଥିଲେ ମଧ୍ୟ ଆକ୍ରମଣକାରୀ ତାଙ୍କୁ ମଧ୍ୟ ଛୁରୀରେ ଆକ୍ରମଣ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
I strongly condemn the recent terrorist attacks in France, including today’s heinous attack in Nice inside a church. Our deepest and heartfelt condolences to the families of the victims and the people of France. India stands with France in the fight against terrorism.
— Narendra Modi (@narendramodi) October 29, 2020
ଆକ୍ରମଣକାରୀର ଛୁରୀ ମାଡରେ ଘଟଣାସ୍ଥଳରେ ୱାର୍ଡେନ ସମେତ ଆଉ ଦୁଇ ଜଣଙ୍କର ମୃତ୍ୟୁ ହୋଇଛି । ତେବେ ପୋଲିସ ତୁରନ୍ତ ଘଟଣାସ୍ଥଳରେ ପହଁଚି ଆକ୍ରମଣକାରୀକୁ ନିପାତ କରିଛି । ଏହାକୁ ଆତଙ୍କବାଦୀ ଆକ୍ରମଣ ବୋଲି କହିଛନ୍ତି ସ୍ଥାନୀୟ ମେୟର । ଏହି ଆକ୍ରମଣ ଘଟଣାକୁ କଡା ନିନ୍ଦା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।