ପୁଲୱାମାରେ ଆତଙ୍କବାଦୀ ଆକ୍ରମଣ : ଅଳ୍ପକେ ବର୍ତ୍ତିଲେ ସିଆରପିଏଫ ଯବାନଙ୍କ ଏକ ଦଳ; ୧୨ ଜଣ ସ୍ଥାନୀୟ ଲୋକ ଆହତ
ଟାର୍ଗେଟରେ ମାଡ ନହୋଇ ରାସ୍ତା ଉପରେ ପଡିଥିଲା ଗ୍ରେନେଡ
କନକ ବ୍ୟୁରୋ : ପୁଲୱାମାରେ ପୁଣି ଆତଙ୍କବାଦୀ ଆକ୍ରମଣ, ଅଳ୍ପକେ ବର୍ତ୍ତିଲେ ସିଆରପିଏଫ ଯବାନଙ୍କ ଏକ ଟିମ୍ । ଆତଙ୍କବାଦୀମାନେ ପୁଲୱାମାର କାକାପୋରା ଅଂଚଳରେ ସିଆରପିଏଫ ଓ ଜମ୍ମୁକାଶ୍ମୀର ପୋଲିସର ଏକ ଦଳ ଉପରକୁ ଟାର୍ଗେଟ କରି ଗ୍ରେନେଡ ମାଡ କରିଥିଲେ । ହେଲେ ସୌଭାଗ୍ୟ ବସତଃ ଗ୍ରେନେଡ ଟାର୍ଗେଟରେ ମାଡ ନହୋଇ ଏକ ଜନଗହଳି ପୂର୍ଣ୍ଣ ରାସ୍ତା ଉପରେ ବିସ୍ଫୋରଣ ହୋଇଥିଲା । ଏଥିରେ ୧୨ ଜଣ ସ୍ଥାନୀୟ ଲୋକ ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବରିଷ୍ଠ ପୋଲିସ ଅଧିକାରୀଙ୍କ ସୂଚନା ଅନୁଯାୟୀ ଅଜ୍ଞାତ ଆତଙ୍କବାଦୀମାନେ କାକାପୋରା ଚୌକରେ ଅବସ୍ଥାପିତ ସିଆରପିଏଫର ଏକ ଦଳ ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲେ । କିନ୍ତୁ ସେମାନଙ୍କ ଲକ୍ଷ୍ୟ ବିଫଳ ହୋଇଥିଲା । ବିସ୍ଫୋରଣ ପରେ ଆହତ ମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯିବା ସହ ସମ୍ପୂର୍ଣ୍ଣ ଅଂଚଳକୁ ଘେରାଉ କରି ସର୍ଚ୍ଚ ଅପରେସନ ଜାରି ରହିଛି ।