ବ୍ରିକ୍ସ ସମ୍ମିଳନୀରେ ପାକ୍ ଉପରେ ବର୍ଷିଲେ ପ୍ରଧାନମନ୍ତ୍ରୀ । ନାଁ ନନେଇ କଲେ ଟାର୍ଗେଟ୍ । କହିଲେ, ଆତଙ୍କବାଦକୁ ସମର୍ଥନ କରୁଥିବା ଦେଶ ଦୋଷୀ, ବିରୋଧ କରାଯାଉ ।
କନକ ବ୍ୟୁରୋ: ପୁଣି ପାକିସ୍ତାନକୁ ଟାର୍ଗେଟ କଲେ ପ୍ରଧାନମନ୍ତ୍ରୀ । ନାଁ ନନେଇ ପାକିସ୍ତାନ ଉପରେ ଧୂମ୍ ବର୍ଷିଲେ ମୋଦି । ବ୍ରିକ୍ସ ସମ୍ମିଳନୀରେ ଆତଙ୍କବାଦର କଥା ଉଠାଇ ପାକକୁ ନିଶାନା କଲେ ନରେନ୍ଦ୍ର ମୋଦି । ସମ୍ମିଳନୀରେ ପ୍ରଧାନମନ୍ତ୍ରୀ ସମ୍ବୋଧନ କରି କହିଛନ୍ତି କି, ଆତଙ୍କବାଦ ବିଶ୍ୱ ପାଇଁ ସବୁଠୁ ବଡ ସମସ୍ୟା । ଆତଙ୍କବାଦୀଙ୍କୁ ସମର୍ଥନ ଦେଉଥିବା ଦେଶ ବି ଦୋଷୀ । ଆତଙ୍କବାଦକୁ ଯେଉଁ ଦେଶ ପ୍ରୋତ୍ସାହନ ଦେଉଛି ତାକୁ ବିରୋଧ ହେବା ଦରକାର କହି ପାକିସ୍ତାନକୁ ବ୍ରିକ୍ସ ସମ୍ମିଳନୀରୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ଜାତିସଙ୍ଘରେ ପରିବର୍ତ୍ତନ ନେଇ ପୁଣି ଦାବି ଉଠାଇଲେ ମୋଦି । ଆମ ପାଇଁ ସମଗ୍ର ବିଶ୍ୱ ଏକ ପରିବାର । ସମୟ ସହ ଉଚିତ ପରିବର୍ତ୍ତନ ଜରୁରୀ । ଜାତିସଙ୍ଘରେ ସମୟ ସହ ଉଚିତ ପରିବର୍ତ୍ତନ ହୋଇନାହିଁ । ଜାତିସଙ୍ଘ ସୁରକ୍ଷା ପରିଷଦରେ ପରିବର୍ତ୍ତନ ନିହାତି ଦରକାର । ଡବ୍ଲୁଟିଓ, ଆଇଏମଏଫ, ହୁ ପରି ସଂସ୍ଥାରେ ସୁଧାର ନିହାତି ଜରୁରୀ ।
Terrorism is the biggest problem facing the world today.
We have to ensure that the countries that support the terrorists are held accountable and this problem is tackled in an organized manner: PM Narendra Modi speaking at BRICS Summit, via video conferencing pic.twitter.com/H8c19Y5DZ0— ANI (@ANI) November 17, 2020
ବ୍ରିକ୍ସ ସମ୍ମିଳନୀରେ ଅର୍ଥନୀତିର ଇଞ୍ଜିନକୁ ଆଗକୁ ନେବାକୁ ମନ୍ତ୍ର ଫୁଙ୍କିଲେ ମୋଦି । କହିଲେ, କରୋନା ସଙ୍କଟ ସମୟରେ ବ୍ରିକ୍ସର ଭୂମିକା ଆହୁରି ଗୁରୁତ୍ୱପୂର୍ଣ୍ଣ । ବ୍ରିକ୍ସ ଦେଶ ବିଶ୍ୱ ଅର୍ଥନୀତିର ଇଞ୍ଜିନ । ଏସବୁକୁ ଦୃଷ୍ଟିରେ ରଖି ଭାରତ ଆତ୍ମନିର୍ଭର ଅଭିଯାନ ଆରମ୍ଭ କରିଛି । ଭାରତ ୧୫୦ ଦେଶକୁ ଔଷଧ ଯୋଗାଇଛି ବୋଲି ମୋଦି ସମ୍ମିଳନୀରେ କହିଛନ୍ତି ।