ଗୁଜୁରାଟରେ କରୋନାର ଭୟଙ୍କର ରୂପ : ସୁସ୍ଥ ହେବା ପରେ ହେଉଛି ଅଚାନକ ମୃତ୍ୟୁ; ହୃଦଘାତ ଓ ବ୍ରେନଷ୍ଟ୍ରୋକ୍ରେ ଯାଉଛି ଅଧିକାଂଶ ରୋଗୀଙ୍କ ଜୀବନ, କ୍ଷତି ପହଁଚାଉଛି ଭୂତାଣୁର ଅବଶେଷ
କନକ ବ୍ୟୁରୋ : ଗୁଜୁରାଟରେ କରୋନାର ଭୟଙ୍କର ରୂପ ଦେଖିବାକୁ ମିଳିଛି । ସୁସ୍ଥ ହୋଇ ଘରକୁ ଫେରିବା ପରେ ଅଚାନକ ଲୋକଙ୍କ ମୃତ୍ୟୁ ହୋଇଛି । ଏହା ରାଜ୍ୟ ସରକାର, ଡାକ୍ତର ଓ ବିଶେଷଜ୍ଞଙ୍କ ଚିନ୍ତା ବଢାଇଦେଇଛି । ସବୁଠାରୁ ବଡ କଥା ହେଲା, ପ୍ରାଣ ହରାଇଥିବା ଅଧିକାଂଶ ରୋଗୀ ବ୍ରେନଷ୍ଟ୍ରାକ ଓ ହୃଦଘାତରେ ପ୍ରାଣ ହରାଉଛନ୍ତି । ନିକଟରେ ସୁରତରୁ ଏଭଳି ଏକ ମାମଲା ସାମ୍ନାକୁ ଆସିଛି । ହସ୍ପିଟାଲରୁ ଡିସଚାର୍ଜ ହେବା ପରେ ଜଣେ ୭୦ ବର୍ଷିୟା ରୋଗୀ ହେମିବେନ୍ ଚୋବାତିଆଙ୍କୁ ଡିସଚାର୍ଜ କରାଯାଇଥିଲା । ସେ ଉଚ୍ଚ ରକ୍ତଚାପରେ ପୀଡିତ ଥିଲେ । ଡାକ୍ତରମାନେ ହସପିଟାଲରୁ ଡିସଚାର୍ଜ କରି ଘରକୁ ପଠାଇଥିଲେ । କିନ୍ତୁ ଘରକୁ ଯିବା ପରେ ସେ ପ୍ରାଣ ହରାଇଥିଲେ । କେବଳ ଏହି ମାମଲା ନୁହେଁ ବାରମ୍ବାର ଏଭଳି ଘଟଣା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଡାକ୍ତରଙ୍କ କହିବା କଥା, ଆରୋଗ୍ୟ ହେବାର ଅନେକ ସପ୍ତାହ ପର୍ଯ୍ୟନ୍ତ ମଧ୍ୟ ସେମାନଙ୍କ ପ୍ରତି ରକ୍ତ ଜମାଟ ବାନ୍ଧିବାର ବିପଦ ରହୁଛି । ଏହି କାରଣରୁ ଅନେକ ରୋଗୀଙ୍କ ଅଚାନକ ହୃଦଘାତ କିମ୍ବା ବ୍ରେନ ଷ୍ଟ୍ରୋକରେମୃତ୍ୟୁ ହେଉଛି । ଏହା ଗୁଜରାଟ ସରକାରଙ୍କ ଚିନ୍ତାକୁ ବଢାଇଦେଇଛି । ଲୋକେ ବି ଭୟଭୀତ ହୋଇପଡିଛନ୍ତି । ରିପୋର୍ଟ ନେଗେଟିଭ ଆସିବା ପରେ ବି ଶରୀର ଉପରେ ଭୂତାଣୁର ପ୍ରଭାବ ରହିଛି । ତେଣୁ ଡାକ୍ତରମାନେ କରୋନା ଭୂତାଣୁ ପ୍ରଭାବରୁ ରକ୍ଷା ପାଇବା ପାଇଁ ପରାମର୍ଶ ଦେଉଛନ୍ତି ।