କନକ ବ୍ୟୁରୋ: ବିପିୟୁଟି ଛାତ୍ରଙ୍କ ଗୁଣ୍ଡାଗିରି । ଧାରଣା ଦେବା ବାହାନାରେ ବିପିୟୁଟି କୁଳପତି ଦାୟୀତ୍ୱରେ ଥିବା ସଜଂୟ ସିଂଙ୍କ ବାସଭବନ ଭିତରେ ପଶି ଭଙ୍ଗାରୁଜା ଅଭିଯୋଗ । ସେମିଷ୍ଟାର ପରୀକ୍ଷା ଘୁଞ୍ଚାଇବା ଦାବିରେ ଗତ ସନ୍ଧ୍ୟାରେ କିଛି ଛାତ୍ର ସଂଜୟ ସିଂଙ୍କ ସରକାରୀ ବାସଭବନ ଆଗରେ ଧାରଣା ଦେଇଥିଲେ । ପରେ ଜବରଦସ୍ତ ଗେଟ ଭିତରେ ପଶି ଭଂଗାରୁଜା କରିଥିଲେ । ଉତ୍ୟକ୍ତ ଛାତ୍ରଙ୍କୁ ଆୟତ କରିବାକୁ ଯାଇ ପୋଲିସ ଲାଠି ଚାର୍ଜ କରିଥିବା ଅଭିଯୋଗ ହୋଇଛି । ପରେ ଗଣ୍ଡୋଗୋଳ କରିଥିବା ୬ ଜଣ ଛାତ୍ରକୁ କ୍ୟାପିଟାଲ ଥାନାରେ ଅଟକ ରଖିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସେମିଷ୍ଟାର ପରୀକ୍ଷା ଘୁଞ୍ଚାଇବା ଦାବି ନେଇ ମଙ୍ଗଳବାର ସନ୍ଧ୍ୟାରେ ବିପିୟୁଟି ଛାତ୍ରଛାତ୍ରୀମାନେ ଭଙ୍ଗାରୁଜା କରିଛନ୍ତି। ଉତ୍ୟକ୍ତ ଛାତତ୍ରଛାତ୍ରୀମାନେ କୁଳପତିଙ୍କ ଘର ଗେଟ୍ ଭାଙ୍ଗି ପ୍ରବଳ ଭଙ୍ଗାରୁଜା କରିଛନ୍ତି । ସୂଚନା ମିଳିବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ଥିଲା । ରିପୋର୍ଟ ଲେଖାଯିବା ବେଳକୁ ଘଟଣାସ୍ଥଳରେ ଗୋଟିଏ ପ୍ଲାଟୁନ ପୁଲିସ ମୁତୟନ କରାଯାଇଛି ।
ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ କହିଛନ୍ତି, କେତେକ ପିଲା ବିକ୍ଷୋଭ କରୁଥିଲେ। ପୁଲିସ ସେମାନଙ୍କୁ କାବୁ କରିବାରେ ସକ୍ଷମ ହୋଇଛି । ଏପରିସ୍ଥିତି ନିୟନ୍ତ୍ରଣରେ ରହିଛି । ଘଟଣା ଉପରେ ପୁଲିସ ନଜର ରଖିଛି ।